Elimu Msingi

IDARA YA ELIMU YA MSINGI

Elimu ya Msingi imegawanyika katika hatua ama nyanja mbalimbali ikiwa ni Elimu ya Awali, Elimu ya Msingi yenyewe kuanzia darasa la kwanza hadi la saba na pia Elimu nje ya Mfumo Rasmi.

ELIMU YA AWALI 

Manispaa  ya Singida  ina jumla ya madarasa 56 ya awali yaliyosajiliwa.  Madarasa 47 ni ya shule  za serikali na  7 ni ya  shule zisizo za serikali.  Wanafunzi wote wa awali ni 7,329 Kati yao wavulana ni 3,450 Wasichana ni 3579. Wanafunzi wa awali wa shule za serikali  ni  6,744 kati yao wavulana ni 3,422 Wasichana ni  3,322. Wanafunzi wa awali wa shule  zisizo za serikali  ni  585 Kati yao wavulana ni 328 Wasichana ni  257.

ELIMU YA MSINGI

Manispaa ya Singida ina shule za msingi 54 zilizosajiliwa. Kati ya shule  hizo,  shule  47 ni za serikali  na 7 ni shule zisizo za serikali. Wanafunzi wote wa shule za msingi ni 34,002 wakiwemo  wavulana  16,483  na wasichana 17,519. Wanafunzi wa shule za msingi  za serikali ni 32,444 wakiwemo  wavulana  15,689  na wasichana 16755 . Idadi ya wanafunzi katika shule zisizo za serikali  ni  1,558, wavulana 794  na wasichana764. Idadi ya walimu wenye ajira ya kudumu wanaofundisha  shule za msingi  za serikali ni 714 wa kiume 196 na wa kike 518 na walimu wa shule za zisizo za serikali ni 86 wa kiume 86 Na wa kike 37

ELIMU MAALUM

Manispaa ina shule nne zinazitoa  huduma ya elimu maalum  kwa  wanafunzi wenye mahitaji maalum. Shule hizo ni Ipembe kwa ajili ya wanafunzi wenye uoni hafifu na ulemavu wa akili, Unyankindi  kwa ajili wanafunzi wenye ulemavu wa akili ,  Somoku kwa ajili ya ulemavu wa akili  na Tumaini Viziwi kwa ajili ulemavu wa  kusikia.  Shule hizi zina jumla ya  wanafunzi 155 wenye mahitaji maalum, wavulana 77 na wasichana78.

UANDIKISHAJI WA WANAFUNZI DARASA KWANZA  

Kwa mujibu wa kifungu cha 35 cha sheria ya Elimu Na. 25 ya mwaka 1978 na marekebisho yake ya mwaka 1995 watoto wote wenye umri wa kuingia shule ya msingi wanatakiwa kuandikishwa darasa la kwanza. Hali ya uandikishaji wanafunzi darasa la kwanza kuanzia mwaka 2011 imeoneshwa hapa chini.

Jedwali Na. 1: Hali ya uandikishaji wanafunzi darasa la kwanza kuanzia mwaka 2011 hadi 2017

Chanzo  Halmashauri ya Manispaa ya Singida

MAENDELEO YA TAALUMA

Maendeleo ya taaluma  katika Manisipaa ya Singida yamekuwa yakiongezeka  kila mwaka  hususan kwa kipimo cha mtihani wa kumaliza elimu ya msingi kupata wanafuzi waliochaguliwa kujiunga kidato cha kwanza kwa elimu ya sekondari kama jedwali hapa chini linavyoonesha.

Jedwali Na. 2: Hali Halisi ya Maendeleo ya Taaluma

Chanzo  Halmashauri ya Manispaa ya Singida

HALI YA MIUNDOMBINU 

Katika utoaji wa elimu ya msingi  iko miundombinu ya aina mbalimbali inayotumika. Baadhi ya miundombinu hiyo iliyo muhimu zaidi  ni pamoja na vyumba vya madasrasa, nyumba za walimu, ofisi za walimu wakuu, ofisi za walimu,maktaba, mwatundu ya vyoo, stoo na madawati.

Jedwali Na. 3: Hali ya Miundombinu.

Chanzo  Halmashauri ya Manispaa ya Singida

• *Upungufu huo wa madawati ni kama haupo na hauna athari kwa sababu madarasa ya  awali  wanasoma nusu siku kwa kuhudhuria awamu mbili kwa siku (double session) yaani asubuhi na mchana. Hivyo madawati yayotumika awamu ya asubuhi hutumika pi na wale wanafunzi wanaohudhuria awamu ya mchana. 

ELIMU NJE YA MFUMO RASMI

Elimu nje ya mfumo rasmi inajumuisha Elimu ya watu wazima, Mpango wa Elimu ya Msingi Kwa Walioikosa (MEMKWA), Mpango wa Elimu  ya Sekondari Kwa  Walioikosa (MESKWA) na elimu ya kujiendeleza.

MEMKWA

Wanafunzi wa Elimu ya Msingi kwa Walioikosa  inajumuisha makundirika mawili ambayo ni kundirika la kwanza na kundirika la pili hali ya MEMKWA  katika Manispaa ya Singida inafafanuliwa katika jedwali hapa chini.

Jedwali Na 4: HALI YA MEMKWA 

Chanzo  Halmashauri ya Manispaa ya Singida

MPANGO WA ELIMU YA SEKONDARI KWA WALIOIKOSA (MESKWA)

Mpango wa Elimu  ya Sekondari Kwa  Walioikosa (MESKWA) unajumuisha   hatua ya kwanza  ambao ni wanafunzi wanaojiandaa kufanya mtihani wa maarifa (qualifying test) na hatua  ya pili  ambayo inahusisha  wanafunzi  wanaojiandaa kufanya mtihani wa kidato cha nne. Mpango huu unatekelezwa na vituo sita vya serikali na visivyo vya serikali kwa vilivyoorodheshwa  hapa chini kwenye jedwali hapa chini.

Jedwali  Na. 5: MPANGO WA ELIMU YA SEKONDARI KWA WALIOIKOSA  (MESKWA)

Chanzo  Halmashauri ya Manispaa ya Singida

Pamoja na kuwepo kwa mafanikio kama ilivyoelezwa hapo juu Manipaa ya Singida inakabiliwa pia na changamoto mbalimbali na baadhi ya changamoto hizo zimewekewa mikakati ka inavyoonekana hapo chini.