Mipangomiji na Ardhi

  WASIFU WA IDARA YA MIPANGOMIJI NA ARDHI 

UTANGULIZI

Idara ya Mipangomiji inajihusisha na utoaji wa huduma kwa wananchi hususani katika utumiaji wa rasilimali ardhi, wananchi waweze kutumia Ardhi ili kusudi iwaletee maendeleo na kuwa rasilimali endelevu kwa vizazi vijavyo:

Katika kutekeleza hili Idara ina vitengo 4 ambavyo ni Mipangomiji, Uthamini, Upimaji na Usimamizi wa Ardhi kwa pamoja vinafanya kazi zifuatazo:-

Vitengo hivi vina majukumu yafuatayo:

• Mipangomiji 
• Kuandaa Michoro ya Mipangomiji (Detailed land use Plan) katika maeneo  yaliyoiva kimji
• Kuandaa Mipango ya Urasimishaji katika maeneo yaliyoendelezwa kiholela

    (Reguralization scheme and squatter upgrading)

• Kupokea na kuweka kumbukumbu za mabadiliko ya matumizi ya Ardhi  na umegaji wa viwanja(subdivision)
• Kukagua na kuzuia uendelezaji wa Mji kiholela kwa kutoa notisi maeneo yanayoendelezwa kiholela
• Kuhakikisha kuwa mabadiliko ya matumizi ya ardhi yanaingizwa katika Michoro
• Kuchambua takwimu na taarifa kwa ajili ya maandalizi ya mipango mipya ya makazi
• Uthamini

Uthamini ni utaalamu wa kukadiria thamani (katika mfumo wa fedha) ya mali kama vile majengo, biashara kwa madhumuni mbalimbali kama vile kwa ajili ya rehani ya mikopo, fidia, kodi ya majengo, mizania ya biashara n.k. 

• Kufanya utafiti wa thamani ya ardhi na majengo
• Kuandaa taarifa za uthamini na uhamisho wa milki za viwanja
• Kuandaa taarifa za uthamini ya rehani (Mkopo)
• Kuandaa na kusambaza hati za madai ya kodi ya ardhi
• Ukusanyaji takwimu za bei ya soko la viwanja na mashamba
• Kuandaa taarifa za uthamini kwa ajili ya bima
• Upimaji na Ramani
• Kupima viwanja
• Kuanzisha control points (Sehemu za kuanzia upimaji) ndani ya Manispaa
• Kuchora ramani za upimaji
• Kuumbua viwanja vilivyopimwa
• Kupima eneo linakotaka kujengwa (Topographic Survey) ili Mhandisi kutumia ramani hiyo
• Usimamizi wa Ardhi
• Kushughulikia  utayarishaji wa nyaraka kisheria
• Kufanya ukaguzi wa viwanja
• Kusimamia mchakato na kuhamisha milki za viwanja
• kutoa notisi na kupendekeza ubatilishaji  wa milki kwa viwanja visivyo endelezwa kwa mujibu wa sheria.
• Kushauri na kusuluhisha migogoro na kesi za ardhi Mahakamani.
• Kutoa mapendekezo ya kuidhinisha rehani za viwanja kwa wanaotaka kutumia viwanja vyao kama dhamana.
• Kusimamia uingizaji wa kumbukumbu katika kompyuta

KAZI ZILIZOTEKELEZWA NA IDARA YA MIPANGOMIJI NA ARDHI KWA MWAKA WA FEDHA 2016/2017.

  Michoro 10 ya Mipangomiji  yenye jumla ya viwanja 5286   vya matumizi mbalimbali imeandaliwa na kuidhinishwa na Wizara ya Ardhi,Nyumba na Maendeleo ya Makazi  katika maeneo ya Mtipa, Mwaja ,Manga,Manguanjuki ndani ya Halmashauri ya Manispaa ya Singida

• Mchoro miwili ya Urasimishaji wa makazi holela katika eneo la Mwaja  na Munung’una umeandaliwa na kudhinishwa na Wizara ya Ardhi,Nyumba na Maendeleo ya Makazi yenyetakribani viwanja 2,258
• Hati milki  473 zimeandaliwa  
• Viwanja 2741  vimepimwa katika maeneo yafuatayo Munung’una ,Unyankhae,Manguamithogo na Ititi
• Uthamini wa mali zote za Halmashauri (Asset valuation) umefanyika Hamashauri ina jumla ya mali zenye thamani ya Tshs. 30,884,000,000/=
• Utafiti wa bei ya soko la Ardhi katika kata zote 18 umefanyika na kuhuishwa
• Taarifa 30 za uthamini kwa ajili ya rehani zimeandaliwa
• Taarifa 145 za uthamini  kwa ajili ya uhamisho wa milki umefanyika
• Taarifa 31 za uthamini wa fidia zimeandaliwa

MIRADI

Miradi inayotekelezwa kwa sasa katika Idara ya Mioangomiji na Ardhi ni:-

• Mradi wa upimaji wa viwanja 2000 katika maeneo ya Manguamitogho, Mwaja Kitope na Unyinga.
• Mradi wa Mpango wa Jumla (Master Plan) katika Manispaa ya Singida.