ZIARA YA UGENI KUTOKA SULZBURG, AUSTRIA

Mstahiki Meya wa Manispaa ya Singida Yagi Kiaratu, amesema uhusiano baina ya miji dada miwili ya Manispaa ya Singida na Mji wa Sulzburg, Austria una mengi ya kukumbukwa katika maendeleo ya wananchi wa Manispaa ya Singida hasa katika kumtua mama ndoo kichwani kwa kutoa fedha za kuboresha miundombinu ya Maji kupitia Mamlaka ya Maji safi na Usafi wa Mazingira Singida (SUWASA). Ushirikiano baina ya Singida Manispaa na Mji wa Sulzburg una miaka 34 tangu kuanzishwa kwake.

Mhe. Yagi amemshukuru mwakilishi wa Meya wa Sulzburg, Bi. Martina Berthold, kwa kuonyesha nia na utayari wa kuimarisha ushirikiano huu kwa mara nyingine na kusema kuwa utayari huu ni ishara njema na kwamba utaleta tija kwa wananchi wa Manispaa zote mbili katika nyanja mbalimbali za kijamii na hata kiuchumi.

Aidha, kwa niaba ya wananchi wa Manispaa ya Singida amemshukuru Mstahiki Meya wa Manispaa ya Sulzburg, viongzozi na wananchi wote walioona umuhimu wa kuwanywesha maji safi na salama wananchi wa Singida ambao walikuwa wakikabiliwa na tatizo la maji kwa kipindi kirefu.

  BOFYA HAPA KUTAZAMA MATUKIO KATIKA PICHA