Idara ya Mazingira

IDARA YA MAZINGIRA NA UDHIBITI WA TAKA NGUMU

Ni miongoni mwa idara 13 zinazounda Halmashauri ya Manispaa ya Singida

SEHEMU ZA IDARA

Idara ina sehemu kuu 2

• SEHEMU YA MAZINGIRA
• SEHEMU YA UDHIBITI WA TAKA NGUMU

MAJUKUMU YA IDARA 

Idara ya mazingira na udhibiti wa taka ngumu ina majukumu yafuatayo:

• SEHEMU YA MAZINGIRA
• Kusimamia na kutekeleza sera ya taifa ya mazingira,sheria ya usimamizi wa mazingira kuhusu masuala ya hifadhi ya bioanuai yaliyobainishwa katika  sera,sheria,kanuni, miongozo,mikakati,mipango na program mbalimbali.
• Kushauri kamati ya mazingira ya Halmashauri Manispaa katika shughuli zote zinahusu mazingira.
• Kufuatilia na kutathmini athari za uchafuzi wa mazingira katika makazi, viwanda, migodi, ujenzi, biashara, kilimo na ufugaji.
• Kufuatilia utekelezaji wa utaratibu wa tathmini ya athari za mazingira kwa shughuli zinazotakiwa kufanyiwa tathmini ya mazingira kama zilivyobainishwa katika sheria ya usimamizi wa mazingira na kanuni zake.
• Utunzaji /Uhifadhi wa mazingira na bioanuai
• Kusimamia utunzaji wa vyanzo vya maji kwa kudhibiti utekelezaji wa shughuli yoyote inayoweza kuleta athari katika maeneo ya mito, maziwa, bahari na mabwawa.
• Kuhamasisha jamii kupanda miti na upendezeshaji wa mazingira na mandhari ya mji.
• 2.) SEHEMU YA UDHIBITI WA TAKA NGUMU
• Usafishaji na udhibiti wa taka ngumu kutoka kwenye majengo,maeneo ya wazi,barabara na mifereji ya maji ya mvua.
• Kufanya tafiti/uchunguzi ili kubaini aina ya taka zinazozalishwa kutoka katika masoko,makazi,maeneo ya biashara na taasisi na kubuni njia  bora za kupunguza,kutenganisha,kuhifadhi na kutupa taka.
• Kuweka mifumo na miundombinu isiyoathiri afya na mazingira ya usimamizi wa taka kuanzia zinapozalishwa hadi zinapotupwa kwa kuzingatia utenganishaji,ukusanyaji, uhifadhi,urejelezaji na utekelezaji katika matanuru maalum na utupaji katika madampo.
• Kuzisimamia na kuhakikisha  kamati za  mazingira kuanzia ngazi ya kata na mitaa zinatekeleza majukumu yake kwa ufanisi.

MIKAKATI YA IDARA

Katika kuboresha hali ya usafi, utunzaji na uhifadhi wa mazingira idara ina mikakati ifuatayo :

• SEHEMU YA MAZINGIRA
• Kusimamia tathmini ya athari ya mazingira katika miradi mbalimbali ya uwekezaji  iliyopo Manispaa.
• kuboresha mandhari ya mji wa singida kwa kuendeleza bustani na kuhamasisha zoezi la upandaji miti kwa wananchi na kuboresha hali ya mazingira ya maeneo ya kupumzikia.
• kuendelea kuboresha ukaguzi wa mazingira katika maeneo ya biashara, taasisi, viwanda, majengo na vyanzo vya maji .
• Kuweka vibao vya kuzuia matumizi ya maeneo yasiyoruhusiwa na maeneo ya hifadhi.
•  Kuendelea kushirikisha wadau mbalimbali vikiwemo vyombo vya ulinzi na usalama katika usimamizi wa sheria.
• Kushirikiana na wadau mbalimbali katika kufanya tafiti mbalimbali zinazohusu usimamizi na utunzaji wa Mazingira
• Kuhakikisha kamati za kuhifadhi mazingira kuanzia ngazi ya kata na mitaa zinatekeleza majukumu yake kwa ufanisi.
• Kuendelea kuhamasisha jamii mbinu za kukabiliana na mabadiliko ya tabia ya nchi.
• Kuendelea Kusimamia utunzaji wa vyanzo vya maji kwa kudhibiti utekelezaji wa shughuli yoyote inayoweza kuleta athari katika maeneo ya mito, maziwa, bahari na mabwawa.
• Kuhakikisha kampeni ya upandaji miti inatekelezwa kwa kupanda miti 1,500,000 kila mwaka.
• Kusimamia uanzishwaji wa vikundi vya mazingira mashuleni ikiwa ni pamoja na kutoa uelewa kuhusu masuala ya hifadhi ya mazingira kwa jamii.
• 2.)  SEHEMU YA UDHIBITI WA TAKA NGUMU
• Kuendelea kuhimiza Kamati za Maendeleo ya Kata kushiriki ipasavyo kusimamia zoezi la usafi kila Jumamosi ya kwanza ya mwezi.
• Kuelimisha jamii kwa kutumia vyombo vya habari, mikutano, vipeperushi na vipaza sauti.
• Kuundwa kwa kikosi kazi cha kusimamia shughuli za usafi na biashara ndogondogo kinachojumuisha wataalam toka Idara mbalimbali na wameanza kuchukua hatua za kisheria.
• Kuongeza idadi ya ghuba za taka kutoka 9 za sasa kufikia 12 kwa mwaka 2017/2018
• Kuhakikisha udhibiti wa taka ngumu unaboreka kutoka asilimia 50% kufikia asilimia 75 kwa mwaka 2017/2018.

]