ASILIMIA YA UFAULU DARASA LA SABA MANISPAA YA SINGIDA WAONGEZEKA

Posted on: December 1st, 2023

UFAULU wa Darasa la Saba katika Halmashauri ya Manispaa Singida kwa mwaka 2023 umepanda kwa asilimia 86.01ukilinganisha na ule wa mwaka jana ambao ulikuwa ni asilimia 85.01.

Jumla ya wanafunzi waliofanya mtihani kwa mwaka 2023 ni 6031, ambapo wanafunzi waliopata daraja A ni 287, daraja B 1670, daraja C 3233, daraja D 824 na daraja E 17. Matokeo hayo ni kwa shule za msingi za serikali 48 na shule binafsi 10 zinazofanya jumla ya shule zote za msingi kuwa 58. Wanafunzi waliopata ufaulu wa daraja A ni asilimia 4.75.

Katika matokeo hayo, Shule Msingi ya Unyankhae imeongoza katika katika shule 10 bora za msingi za serikali ikifuatiwa na shule za msingi za Tumaini Viziwi, Sumaye, Kibaoni, Utemini, Nyerere, Bomani, Ukombozi, Mahembe na Misuna.

Aidha Kata iliyoongoza kwa ufaulu katika matokeo ni Kata ya Utemini kwa ufaulu wa asilimia 95.5 kwa shule tatu zilizopo katika kata hiyo ambazo ni Utemini, Bomani na Sabasaba ambazo zote zipo katika orodha ya shule zenye ufaulu bora.

Kata zilizofuatia ni Kata ya Majengo nafasi ya (2) kwa asilimia 96.4 yenye shule moja, Kata ya Misuna nafasi (3) ufaulu wa asilimia 96.1 ikiwa na shule tatu, Kata ya Ipembe ufaulu wa 95.5% kwa shule mbili, Kata ya Mandewa ufaulu wa 95.2% kwa shule 11 na Kata ya Kindai 94.7% shule tatu.

Kata nyingine ni  Minga 93.8% kwa shule mbili , Kata ya Mughanga 93.2% shule mbili, Kata ya Unyamikumbi 83.5%  shule tatu , Kata ya Mungumaji 81.6% shule tatu , Kata ya Mtipa shule nne (80.7%).

Kata ya Uhamaka79.4% Shule tatu, Kata ya Unyianga 79.0% shule moja, Kata ya Mitunduruni 78.6%, shule tatu, Kata Kisaki 76.6% Shule tatu na Kata nne za mwisho ni Unyambwa 71.7% shule tano Kata ya Mwankonko 71.2% shule tatu na Kata ya Mtamaa 70.3% shule tatu, ikiwa ndiyo Kata ya mwisho Manispaa ya Singida.