BAJETI 2025/2026 YAGUSA JAMII NA WATUMISHI MANISPAA YA SINGIDA

Posted on: January 22nd, 2025

Baraza la Madiwani la Manispaa ya Singida limepitisha bajeti ya mwaka 2025/2026 yenye thamani ya Tshs. Bilioni 45.26, bajeti ambayo inatarajiwa kuleta mabadiliko makubwa katika sekta ya maendeleo ya kiuchumi kwa jamii na watumishi wa halmashauri hiyo.

Akihitimisha Mkutano wa Baraza la Madiwani,leo Januari 22, 2025 Mstahiki Meya wa Manispaa ya Singida, Yagi Maulid Kiaratu, amesema kuwa bajeti hii ni hatua muhimu katika kuongeza tija na maendeleo ya Manispaa hiyo.

Meya Kiaratu alifafanua kuwa bajeti ya mwaka huu ni ongezeko la asilimia 12 ikilinganishwa na bajeti ya mwaka 2024/2025, ambapo mapato ya ndani yaliongezeka kutoka Tshs. Bilioni 5.5 hadi kufikia Tshs. Bilioni 6.2.

Bajeti hii inalenga kutekeleza shughuli mbalimbali za maendeleo, ikiwa ni pamoja na kukamilisha miradi ya maendeleo ya awali, na pia kuandaa maandiko ya miradi mikubwa ya kimkakati ambayo itachochea maendeleo endelevu katika Manispaa hiyo.

Pamoja na miradi ya maendeleo, Mstahiki Meya alisisitiza kuwa bajeti hii itatoa fursa kwa wananchi kupitia asilimia 10 ya mapato ya ndani, ambayo itatumika kusaidia vikundi vya wanawake, vijana, na watu wenye ulemavu. Hii ni katika kuhakikisha kuwa jamii ina fursa sawa za kiuchumi na kijamii.

Aidha, Mhe. Kiaratu aliwahimiza madiwani na watendaji wa Manispaa hiyo kuendelea kutoa elimu kwa wananchi kuhusu mifumo ya manunuzi na taratibu za kupata fursa za kibiashara na miradi mbalimbali, ili waweze kuzitumia ipasavyo pindi zinapojitokeza.

Meya Kiaratu pia amewasisitiza wataalamu na viongozi wa halmashauri hiyo kuhakikisha kuwa ukusanyaji wa mapato kupitia tozo, kodi, na ushuru mbalimbali unafanywa kwa ufanisi ili kufanikisha utekelezaji wa bajeti hii. Alisisitiza kuwa kila chanzo cha mapato kitahitaji kuhakikisha kinakusanya ipasavyo.

Katika hatua nyingine, Mhe. Kiaratu alitoa wito kwa wananchi kushiriki kikamilifu katika mikutano ya maendeleo katika maeneo yao. Alisema kuwa ushiriki huo utasaidia wananchi kupata taarifa muhimu za miradi ya maendeleo na pia kutoa maoni kuhusu namna bora ya kufikia malengo ya maendeleo katika Ma