BASHUNGWA AAGIZA MAKATIBU WAKUU WA WIZARA TATU KUANDAA TARATIBU ZA UENDESHAI KITENGO CHA MAAFISA HABARI

Posted on: May 14th, 2022

Waziri wa Nchi ofisi ya Rais Tawala za Mikoa na Serikali za mitaa, Innocent Bashungwa ameagiza makatibu wakuu wa wizara tatu za Habari, mawasiliano na teknolojia ya habari, Utumishi na TAMISEMI kuhakikisha wanakaa pamoja na kuweka utaratibu wa Ikama kwa maafisa Habari na suala zima la upatikanaji wa vitendea kazi kwa maafisa habari na Uhusiano wa serikali.

Waziri Bashungwa ameagiza hayo Leo tarehe 14.05.2022 wakati akifunga kikao kazi Cha Maafisa habari kilichofanyika jijini Tanga kwa kipindi Cha wiki moja.

Waziri Bashungwa amesema maafisa habari ni jeshi linalotegemewa na serikali katika kuhabarisha umma juu ya shughuli mbalimbali zinazotekeleza na serikali lakini pia kuihabarisha serikali hitaji ama changamoto za wananchi.

Aidha amewataka maafisa habari kutumia vyema mbinu walizofunzwa katika kikao kazi hiki kuhakikisha wanaleta matokeo chanya katika taasisi zao na Serikali kwa ujumla.

"Tunamshukuru Rais Mama Samia Suluhu Hassan kwa kuanzisha kitengo hiki muhimu kwa maeneeleo ya nchi yetu" alisema Bashungwa.

Pamoja na hayo waziri Bashungwa amewasisitiza Maafisa habari kuendelea kuelimisha wananchi kuhusiana na usajili wa wa anwani za makazi ili kuhakikisha maeneo yote yanaingizwa kwenye mfumo wa anwani za makazi.

Amesema zoezi la anwani za makazi likiwa linaendelea kukamilishwa, maafisa habari wajipange vyema katika kuelimisha wananchi juu ya zoezi la sensa ya watu na makazi zoezi litakalofanyika hapo 23 Agosti, 2022.

WAZIRI wa Nchi Ofisi ya Rais Tawala za Mikoa na Serikali za Mitaa (OR-TAMISEMI), Mhe. Innocent Bashungwa akizungumza na Maafisa Habari, Mawasiliano na Uhusiano wa Serikali wakati akifunga Kikao cha 17 cha Maafisa hao Jijini Tanga leo tarehe 13 Mei 2022

Naye Mkuu wa Mkoa wa Tanga, Adam Malima ambaye ni mwenyeji wa kikao kazi hiki amewaasa Maafisa habari kufanya kazi kwa weledi ili wananchi wawe na ufahamu mpana wa jitihada zinazofanywa na Serikali za kuleta maendeleo kwa wananchi wake.

Mkuu wa mkoa huyo kwa niaba ya wakuu wa mikoa wote amemwomba waziri Bashungwa kuhakikisha maafisa habari wanawezeshwa vitendea kazi ili kazi yao iwe na tija.

"Mhe. Waziri maafisa hawa ambao ni jeshi tegemewa hawana vitendea kazi pia platform, naomba ofisi yako iwawezeshe" alisema Malima.

Maafisa habari zaidi ya 350 wameshiri Kikao kazi ambapo mada mbalimbali zilitolewa ili kuwajengea uwezo wa kutekele

Mkuu wa Mkoa wa Tanga Adam Malima akizungumzia umuhimu wa maafisa  wakati wa ufungaji wa wa Kikao cha 17 cha Maafisa Habari, Mawasiliano na Uhusiano wa Serikali kinachofanyakia Jijini Tanga leo tarehe 13 Mei 2022