DIWANI WA MANISPAA YA SINGIDA AFARIKI DUNIA

Posted on: May 22nd, 2018

Aliyekuwa Diwani wa Kata ya Unyamkwa Halmashauri ya Manispaa ya Singida Shabani Satu (CCM) amefariki dunia tarehe 18 mwezi huu katika Hospitali ya Ocean Road Dar-es-Salam alikuwa alikuwa anapata matibabu.

Taarifa ya CCM Wilaya ya Singida mjini ilieleza kuwa marehemu Satu ambaye alikuwa akisumbuliwa na ugonjwa wa saratani tangu mwaka 2016 alianza matibabu katika hospitali ya Mkoa wa Singida na baadaye kupewa rufaa kwenda Hospitali ya Muhimbili na Ocean road.

Taarifa hiyo imesema kuwa hicho ambachokimeleta huzuni na majonzi katika chama  hicho Halmashauri ya Manispaa na wananchi,kimeleta pengo kubwa kutokana na jinsi Satu alivyotegemewa na kutumainiwa ambaye mwili wake uliletwa Singida mjini kwa ajili ya mazishi.

Marehemu alizikwa  jana katika kitongoji cha Nambaro kijijini Kisasida baada ya mwili wake kufika  mjini Singida kusafirishwa kutoka nyumbani kwake mtaa wa Mnung’una Kata ya Minga huku Madiwani wa Manispaa hiyo wakibeba jeneza kuelekea makaburini wakishirikiana na mamia ya waombolezaji wakiongozwa na Shekh wa Wilaya hiyo Issa Ramadhani Simba.

Katka historia yake ili onyesha kuwa alizaliwa katika kitongoji cha Nambaro kijijini hapo tarehe 15 mwezi Novemba 1966 na kupata elimu ya msingi kuanzia 1977 hadi 1983 alipo hitimu, na baadaye kupata pamoja na shughuli zake za kujitegemea aliweza kukitumikia CCM na serikali yake kwa muda wa miaka 26.

Akisoma historia hiyo kwa niaba ya CCM na Halmashauri ya Manispaa hiyo, Diwani wa kata ya Utemini Baltazar Kimario alizitaja nafasi alizoshika marehemu kuwa ni ubalozi wa nyumba kumi, katibu wa tawi,mwenyekiti wa kitongoji cha Nambaro na Diwani wa Kata ya Unyambwa kwa vipindi vitatu hadi tarehe 18 Mei alipofikwa na umauti.

Akitoa salamu zake wakati wa mkusanyiko wa msiba huo mzitoambao ulihudhuriwa na waombolezaji wengi wakiwemo viongozi mbalimbali, Mstahiki meya Gwae Mbua, alionyesha masikitiko yake na kusema kuwamamlaka hiyo imeshiriki kikamilifu kumhudumia marehemu ambaye allikuwa hodari na mchangiaji mkuu katika maendeleo.

Mbua aliyeungwa mkono na viongozi wenzake wa  chama hicho na manispaa ya Singida alisema kuwa ushirikiano, upendo,viendelezwe katika kumuenzi marehemu na kuiga mfano wake kwa kufanya kazi pamoja na kutenda haki.

Pia katika salamu za Chama cha Mapinduzi Katibu mwenezi wa Wilaya ya Singida mjini Omari Shakarat alitoa pole kwa wanafamilia, ndugu,wanachama,Madiwani na watendaji wa mamlaka hiyo kwa kumpoteza Diwani hodari kipenzi cha watu aliyekuwa antumia muda wake ;kufanya kazi ya kutetea masilahi ya wananchi wake.

Aliwaomba wote kuwa na moyo wa subira katika kipindi hicho kigumu cha kupotelewa na marehemu kwa kudumisha upendo,umoja na ushirikiano.

Marehemu Shabani Satu ambaye kifo chake kimeleta majonzi makubwa na pigo kwa Halmashauri hiyo CCM na familia ameacha wajane wawili na kujaliwa kupata watoto tisa wakiwemo wakiume wanane, wakike mmoja na wajukuu watatu.