IPOSA KUONDOA UNYANYAPAA KWA VIJANA WASIOJUA KUSOMA NA KUANDIKA MKOANI SINGIDA

Posted on: November 28th, 2023

Sekta ya  elimu mkoani Singida imetakiwa kubainisha na kuwasajili vijana wa kike na kiume ambao hawakubahatika kuingia katika mfumo rasmi wa elimu   Ili kuingizwa katika mpango wa elimu changamani (IPOSA).

Katibu Tawala Mkoa wa Singida, Dkt. Fatma Mganga, ametoa wito huo Leo 28 Novemba, 2023 wakati akizindua mpango wa IPOSA mkoani Singida, uzinduzi uliofanyika katika ukumbi wa mikutano wa chuo Cha Uhasibu, Singida.

Dkt. Mganga amesema, vijana wengi na hasa wa kike wamekuwa wakinyanyapaliwa kutokana na kukosa fursa ya kuingia katika mfumo rasmi wa elimu ama kushindwa kumaliza masomo baada ya kujiunga na mfumo huo, hivyo kupitia Mpango huo wa IPOSA, Unaotekelezwa baina ya serikali ya Tanzania na Korea Kusini, vijana hao waweza kupatiwa  elimu na ujuzi na hivyo kuweza kujiajiri na kujipatia kipato.

"Kutokujua kusoma na kuandika kunachukuliwa na wengine Kama njia ya udhalilishaji hasa Kwa mabinti na hivyo kusababisha unyanyapaa Kwa vijana hawa katika jamii", amesema Dkt Mganga.

Amesema, asilimia 21 ya wanafunzi waliomaliA darasa la Saba mkoani Singida 2023, hawajakidhi  kujiunga na elimu ya sekondari, hivyo kupitia IPOSA wataweza kunufaika na kujitegemea kupitia elimu na ujuzi watakaopata utakaowainia kiuchumi lakini pia kuchangia katika uchumi wa taifa .

Dkt. Mganga ametumia wasaa huo kutoa maelekezo Kwa Idara za Maendeleo ya Jamii katika halmashauri zote Saba za mkoa wa Singida, kuhakikisha zinashiriki vyema katika kuandaa vijana Kwa kuwapa mafunzo na ujuzi Ili kuwawezesha kujenga maisha bora.

Pamoja na Idara hiyo, ameitaka pia sekta ya elimu kuhakikisha watoto wote wanaosajiliwa kujiunga na elimu ya Msingi wanaendelea na masomo Bila kukatiza.

" Maafisa elimu Kata, hakikisheni mtoto anayesajiliwa katika kata yako hakatizi masomo yake Kwa sababu iwayo yoyote Ile", amesisitiza Dkt. Mganga

Aidha amewataka Kila mmoja katika Kata yake kuhakikisha anaendesha zoezi shirikishi la kuwabaini na kuwasajili vijana hawa Kwa kuwahusisha wakuu wa shule, walimu wakuu, maafisa Maendeleo ya Jamii na watendaji wa Kata.

Pamoja na maagizo hayo Katibu tawala huyo ametoa wito Kwa wadau mbalimbali kujitokeza Ili kushiriki katika kutokomeza suala Zima la watoto kutokujua kusoma na kuandika.

Mpango  wa elimu changamani (IPOSA) Unatarajiwa kutekelezwa  katika mikoa 6, mkoa wa Singida ukiwa ni miongoni mwa mikoa hiyo. Mikoa 10 ilishaanza utekelezaji wa mpango huo na kufanya jumla ya mikoa inayotekeleza kuwa 16.