KAMATI YA FEDHA YA MANISPAA YA SINGIDA YAFANYA ZIARA KUONA MAENDELEO YA UTEKELEZAJI WA MIRADI

Posted on: December 30th, 2022

HALMASHAURI ya Manispaa ya Singida, inaendelea na utekelezaji wa miradi mbalimbali inayotekelezwa kwa fedha zitokanazo na mapato ya ndani Pamoja na fedha zinazotolewa na serikali kuu.

Kamati ya Fedha ya Manispaa ya Singida, Kaimu Mkurugenzi wa Manispaa, na wataalamu wa Manispaa wamefanya ziara katika miradi hiyo kwa lengo la kujiridhisha na maendeleo ya utekelezaji wa miradi.

Kaimu Mkurugenzi wa Manispaa ya Singida Jeshi Lupembe, ameeleza kuwa miradi hiyo ni mafanikio makubwa ambayo Manispaa inajivunia kutumia fedha za mapato ya ndani kufanikisha utekelezaji wa miradi pia ametoa shukrani kwa Mh Rais Dkt. Samia  Suluhu Hassan kwa kuendelea kuleta fedha kwa ajili ya utekelezaji wa miradi ya maendeleo katika sekta mbalimbali ikiwemo Afya na Elimu

Kaimu Mkurugenzi huyo, amesema  miradi hiyo ipo hatua za awali za utekelezaji, miradi hiyo ni ujenzi wa kituo cha afya Mtipa kilichopo kata ya Mtipa fedha zilizotengwa kwa ajili ya utekelezaji ni shilingi million 150 na mradi wa ujenzi wa manjichio katika eneo la Ng’aida kata ya kisaki umetengewa shilingi 120.

“ujenzi wa miradi hii ambayo ni mafanikio  yatokanayo na fedha za mapato ya ndani ni hatua kubwa sana kwa Manispaa na miradi hiyo itaenda kuwa na manufaa makubwa kwa wananchi baada ya ukamilishaji”

Naibu Meya wa Manispaa ya Singida Hassan Mkata ambaye pia ni Kaimu Mwenyekiti wa kamati fedha, amempongeza Kaimu Mkurugenzi pamoja na wataalamu wake kwa kazi nzuri wanayofanya katika kuhakikisha miradi inatekelezwa.

“ushirikiano ni jambo zuri hasa katika kutekeleza kazi za maendeleo naomba tufanye kazi kwa ufanisi mzuri ili tuweze kupata mafanikio makubwa kwa ajili ya maendeleo ya taifa letu”

 Kamati hiyo pia ilifanikiwa  kutembelea mradi wa ujenzi wa kituo cha Afya Mwaja kilichopo kata ya Mandewa uliopo hatua za mwisho za utekelezaji, unaotekelezwa kupitia fedha zilizotolewa na serikali kuu Pamoja na mradi wa ujenzi wa Vyumba Vya madarasa katika shule ya sekondari Mungumaji iliyopo kata ya Mungumaji uliokamilika.