KAMATI YA USALAMA YARIDHISHWA NA HATUA MBALIMBALI ZA UKAMILISHAJI WA MIRADI

Posted on: January 14th, 2025

Wajumbe wa kamati ya Usalama ya wilaya wameridhishwa na hatua mbalimbali za ukamilishaji wa miradi ya maendeleo na kusisitiza usimamizi wa karibu ili kuhakikisha ukamilishaji huo unafanyika katika viwango vyenye ubora.

Kamati hiyo iliyoongozwa na mwenyekiti wake, Mkuu wa Wilaya ya Singida, Godwin Gondwe, imefanya ziara kwenye baadhi ya miradi leo tarehe 14 Januari, 2025 na kujionea miradi hiyo ikiwa katika hatua mbalimbali za mwisho za ukamilishaji.

Mkuu wa Wilaya, amesema miradi yote waliyoitembelea inaendelea vizuri na kutoa pongezi kwa hatua nzuri iliyofikia. Hata hivyo ametoa angalizo la muda  hususan kwenye mradi wa jengo jipya la utawala na kusisitiza kuongezwa  kasi ili kuendana na muda wa ukamilishaji uliobaki.

“ miradi iko katika hatua nzuri za ukamilishaji pongezi sana ….. nashauri    speed iongezwe kwenye jingo la utawala iendane na muda tuko nyuma ya wakati..” ameshauri Mkuu wa Wilaya.

Aidha wajumbe wamepongeza usimamizi shrikishi katika ujenzi wa shule mpya mbili za Mwaja na Minga na kusema miradi hiyo inatekelezwa kwa kiwango chenye ubora wa juu.

Pamoja na pongezi, Mkuu wa wilaya Gondwe ametoa maelekezo kwa shule zote za msingi na sekondari kuhakikisha inapanda miti ( minyaa) kuzunguka eneo la shule ili kuepusha wananchi kuvamia maeneo hayo ambayo athari zakeza baadae  ni kuibuka kwa migogoro ya Ardhi.

“….natoa maelekezo kwa shule zote za msingi na sekondari kupanda minyaa ili kulinda mipaka ya maeneo ya shule kuepusha uvamizi hadi hapo tutatakapoweza kujenga uzio wa matofali”, ameagiza Mkuu huyo.

Pamoja na suala la kulinda mipaka ameziagiza pia shule zote na hasa zenye miradi ya mabweni kuhakikisha inaweka mfumo wa uvunaji maji ya mvua kwa ajili ya matumi ya wanafunzi wakati wote.