kampeni ya usafi

Posted on: October 30th, 2021

SINGIDA SAFI INAWEZEKANA

Mkuu wa mkoa wa Singida Dr. Binirith Mahenge leo tarehe Oktoba 30, 2021 amezindua Kampeni ya Usafi katika Halmshauri ya Manispaa ya Singida.

Mkuu wa Mkoa akiwa ameandamana na Viongozi wa Wilaya na Manispaa alizindua kampeni hii ya usafi kwa kufanya usafi katika fukwe za Ziwa Kindai lililopo Kata ya Kidai katika Halmashauri ya Manispaa ya Singida.

Dr. Mahenge akiongea na wananchi ambao pia walishiriki zoezi la usafi, aliwataka kujenga tabia ya usafi wa bila shuruti sambamba na kuhifadhi mazingira hasa pembezoni mwa fukwe ambazo ni moja ya vivutio vya utalii katika Manispaa ya Singida.

Aidha alitoa agizo kwa wananchi kutonywesha na kulisha mifugo yao pembezoni mwa ziwa kwani kwa kufanya hivyo kunachangia uharibifu wa Mazingira na mandhari ya fukwe hizo.

Manispaa ya Singida ina maziwa makubwa (2) ambayo ni Ziwa Singidani na Ziwa Kindai ambayo ni miongoni mwa hazina za utalii katika mkoa wa Singida.