KATIBU WA CCM AZUNGUMZA NA WANANCHI WA MANISPAA YA SINGIDA

Posted on: May 30th, 2024

Katibu Mkuu wa CCM, Balozi Dkt. Emmanuel Nchimbi akizungumza na wananchi wa Manispaa ya Singida ikiwa ni sehemu ya ziara yake ya siku mbili katika mkoani Singida akisisitiza mafanikio ambayo tumepata tanu uhuru ndiyo yamejenga muungano wetu na kuwa wamoja.

"Mafanikio tuliyopata tangu uhuru , tangu Muungano wa Nchi zetu ni kwasababu ya umoja wetu"

"Tusikubali kuacha umoja wetu nawaombeni sana , kama kuna jambo mkienda nyumbani leo na mtu akakuuliza Katibu Mkuu amesema nini umwambie amesema tusikubali kuacha umoja wetu, tusikubali kugawanywa , tusikubali kufarakanishwa"

"...Tanzania lazima iendelee kuwa Nchi moja yenye mshikamano, yenye upendo ambayo haibagui watu wake kwa misingi ya ukabila, wala dini wala vyama vya siasa"

"Wote ni Watanzania, Nchi ni yetu sote tuishi kwa kushirikiana na tupendane...CCM OYEEE!

Ikumbukwe lengo la ziara ya kiongozi huyo ni kukagua utekelezaji wa ilani ya uchaguzi ya mwaka 2020/25.
Balozi Nchimbi amezungumza na kusikiliza kero za wananchi wa Manispaa ya Singida leo Mei 30, 2024 katika Uwanja wa Bombadia.