'KITAMBULISHO CHA NIDA SIO KIKWAZO KUJIANDIKISHA KATIKA DAFTARI LA KUDUMU LA WAPIGA KURA'

Posted on: June 15th, 2024

Mkurugenzi wa Idara ya Habari na Elimu ya Mpira Kura wa Tume Huru ya Uchaguzi, Bi Giveness Aswile amesema watu wote wenye sifa za kuandikishwa wataandikishwa tu hata kama hawatakuwa na kitambulisho cha taifa (NIDA) katika Uboreshaji wa Daftari la Kudumu la Wapiga Kura.

Bi Giveness amesema hayo, wakati akiwasilisha mada kwenye mkutano kati ya Tume na Maafisa Habari wa Mikoa na Halmashauri ambao umefanyika leo Juni 15, 2024, kwenye Ukumbi wa Mlimani City, Dar es Salaam.

"Wananchi wanatakiwa kufahamu NIDA sio kigezo cha mwananchi kuandikishwa katika Daftari la Kudumu la Wapiga Kura ila wananchi wote wenye sifa wataandikishwa bila kujali kama wana kadi ya NIDA au laa.

Mkurugenzi huyo aliongeza kuwa baada ya uboreshaji inatarajiwa kuwa Daftari litakuwa na jumla ya wapiga kura 34,746,638.

“Katika uboreshaji wa daftari la kudumu la wapiga kura kwa kuzingatia matokeo ya Sensa ya Watu na Makazi ya Mwaka 2022, Daftari linatarajiwa kuwa na wapiga kura 34,746,638 kutoka 29,754,699 ya mwaka 2020 hili ni ongezeko la wapiga kura wapya 5,586,433 sawa na asilimia 18.7,”

Hata hivyo, mfumo mpya saidizi unaofahamika kama Online Voters Registration System, (OVRS) amesema mfumo huu utawawezesha wapiga kura walioandikishwa kuanzisha mchakato wa uboreshaji kwa njia ya mtandao kupitia simu ya mkononi au kompyuta kubadilisha taarifa au kuhama jimbo au kata au kubadilisha na kuhama.