“LETENI CHANGAMOTO ZINAZOWAKABILI WANANCHI ZIWEZE KUFANYIWA KAZI” – NAIBU WAZIRI RIDHIWANI KIKWETE

Posted on: August 26th, 2023

Watendaji ngazi ya mkoa na halmashauri wametakiwa kuwafikia wananchi ili kubaini changamoto zinazowakabili na kuziwasilisha katika wizara husika ili kuweza kufanyiwa kazi.

Agizo hilo limetolewa leo tarehe 26 Agosti, 2023 na Naibu waziri wa Ofisi ya Rais, Menejimenti ya Utumishi wa Umma na Utawala Bora, Mhe. Ridhiwani Kikwete katika ziara yake Mkoani Singida katika Manispaa ya Singida.

Amesema, watendaji wote kuanzia ngazi ya mkoa hadi kwenye halmashauri watoke ofisini na kuwafikia wananchi ili kubaini changamoto zinazowakabili na kuziwasilisha mahali panapo husika

“Mheshimiwa Rais, anataka sisi wasadizi wake tumpelekee changamoto zinazowakabili wananchi ili atupe miongozo katika kuyatatua….. kama RS msipofika kule site mwisho wa siku wananchi watamlaumu Rais kwa kuwatenga, kumbe ni sisi hatukutimiza wajibu wetu”, amesisitiza kikwete

Naibu waziri Kikwete ameendelea kusisitiza kuwaOfisi ya Rais Menejimenti ya Utumishi wa Umma na Utawala Bora haitakuwa kikwazo kwa maendeleo ya wananchi na kwamba kinachohitajika ni uwajibikaji katika kubaini changamoto zinazowakabili wananchi na kuzipatia ufumbuzi.

“….zipo changamoto zinazoweza kutatuliwa na nyie wenyewe na zipo zitakazo hitaji mwongozo wa ngazi ya juu”, amesisitiza.

Aidha Naibu Waziri Kikwete ametoa rai kwa madiwani kukahikikisha wanashughulikia kero za wananchi katika kata zao na siyo kuingia katika masuala yaliyo nje ya emaeneo yao, huku akitolea mfano wa migogoro baina ya madiwani na viongozi ama wataalam katika maeneo mbalimbali.

Kwa upande wake Mstahiki Meya wa Manispaa ya Singida Yagi Maulid Kiaratu, amemshukuru Naibu Waziri Kikwete kwa ziara aliyoifanya na pia kutumia fursa hiyo kuwasilisha kilio cha watumishi wastaafu ambao mafao yao yamezuiliwa kutokana na michango yao kutowasilishwa na waajiri kipindi cha Utumishi wao.

Mstahiki Meya Kiaratu, ametoa ombi kwa serikali kupitia Naibu Waziri wa Utumishi na Utawala Bora la kuwapatia wastaafu wenye changamoto kama hizo fedha za kujikimu wakati Halmashauri ama taasisi walizokuwa wakizitumikia zikijipanga kulipa adhabu (riba) kutokana na kushindwa kuwaslisha michango ya watumishi wao.

“nitoe mfano wa Manispaa yangu, kutokana na kutowasilisha michango ya wastaafu interest imekuwa kubwa na kufikia billion 2, ikilinganishwa na michango yenyewe….niombe wastaafu wapatiwe fedha zao za kujikimu wakati muafaka wa malipo ukuendelea kufanyiwa kazi”, amesema Mstahiki Meya

Akizungumzia ombi hilo Naibu waziri Kikwete amesema, serikali imeliona hilo na kwa sasa liko katika mchakato wa majadiliano ili kuwaepusha wastaafu na adha hiyo.

Aidha amempongeza Mstahiki Meya kwa kuishi katika misingi ya Mhe. Rais wa Jamhuri ya Muungano wa Tanzania ya kujali maslahi ya watumishi kwa kuyafanya kuwa kipaumbele.