Maboresho katika uandikishaji Watoto wenye umri chini ya miaka mitano (5)- Manispaa ya Singida

Posted on: June 22nd, 2021

Maboresho katika uandikishaji Watoto wenye umri chini ya miaka mitano (5)

Mkuu wa wilaya ya Singida Mhandisi Paskasi Mulagiri amewataka washiriki katika mafunzo rejea ya uandikishaji Watoto walio na umri chini ya miaka mitano kuwa makini katika kutekeleza kazi hii hasa katika unigizaji majina kwani ni zoezi linalotengeneza mfumo wa kudumu za taarifa za mtu.

Aliyasema hayo wakati akifungua mafunzo rejea ya uandikishaji Watoto wenye umri chini ya miaka mitano kwa watoa huduma za afya kwa vituo vyote vya umma na binafsi na watendaji wa kata zote 18 katika Halmashauri ya Manispaa ya Singida

“Taarifa ziingizwe kwa umakini wa hali ya juu hasa uingizaji wa majina kwani zoezi hili ndio msingi unaotengeneza mfumo wa taarifa ama nyaraka za mtu”.

Aidha amewataka watoa huduma za afya kuweka utaratibu wa kuwafuatilia wakina mama wanaojifungua ili kuhakikisha wamewasajili watoto wao ndani ya siku 90 ili kuondoa usumbufu kwani baada ya siku hizo atalazimika kulipia usajili wa mtoto katika ofisi za RITA Ofisi ya Mkuu wa Wilaya.

Amesema lengo la kampeni hii ya siku 5  sio tu kuandikisha bali kuandikisha kwa umakini, kuelimisha  na kuhamasisha jamii kwani bado wananchi hawaoni umuhimu  wa kusajili Watoto mapema hali inayopelekea usumbufu hapo baadae pindi uhitaji unapotokea kama kusajili Watoto shule n.k

“ watendaji wa Kata, Mitaa na vijiji watumike Zaidi katika kuelimisha jamii umuhimu wa kuandikisha Watoto kwani uandikishaji huu ndani ya siku 90 ni bure hauna malipo hivyo waahakikishe wamemalizia wimbi hili la watoto wasio vyeti “.

Jumla ya washiriki 73 wanawake wakiwa 41 na wanaume 32  wakiwemo watoa huduma za afya katika vituo vya afya na zahanati za umma na binafsi na watendaji wa kata, mitaa na vijiji wamepata mafunzo rejea ya uandikishaji wa Watoto walio katika umri wa miaka 5 katika Manispaa ya Singida.