MADAKTARI WA MAMA SAMIA WAOKOA MAISHA YA MTOTO WA MIAKA MITATU

Posted on: May 16th, 2024

TIMU ya Madaktari Bingwa wa Mama Samia, Manispaa ya Singida wamefanikiwa kuokoa maisha ya mtoto wa miaka mitatu, Jackline Wilson kwa kutoa uvimbe katika eneo la kifua.

Upasuaji huo umefanyika leo, Alhamisi katika Kituo cha Afya Sokoine na Madaktari Bingwa wa Mama Samia ambao wameweka kambi ya siku tano.

Mtoto huyo wa miaka mitatu alikuwa akisumbuliwa na uvimbe katika kifua chake kwa muda mrefu na tatizo lake limeponywa na madaktari hao.

Katika Halmashuri ya Manispaa ya Singida, Timu ya Madaktari wa Mama Samia walianza kazi rasmi Mei 13, mwaka huu, ikiwa ni awamu ya pili ya ujio huo.

Wataalum hao ni wale mabingwa wa upasuaji, magonjwa ya kina mama na uzazi, bingwa wa dawa ya usingizi na ganzi, bingwa wa magonjwa ya watoto chini ya miaka mitano na bingwa wa magonjwa ya ndani kama saratani, shinikizo la damu na magonjwa mengine.

Huduma za madaktari hao katika Halmashuri ya Manispaa zimekuwa zikitolewa katika Hospitali ya Manispaa na Kituo cha Afya Sokoine.

Ujio huo wa Madaktari wa Mama Samia ni juhudi za Rais wa Jamhuri ya Muungano wa Tanzania, Dkt Samia Suluhu Hassan anahikikisha wananchi wake wa hali zote wanawifikiwa na huduma bora wawe na afya njema na kuendelea kujenga Taifa bora na lenye maendeleo.