MANISPAA YA SINGIDA YAANDIKISHA WANAFUNZI WA LA KWANZA KWA ASILIMIA 84.1

Posted on: January 8th, 2024

Wakati muhula mpya wa masomo wa 2024 kwa Shule za msingi ukiwa umeanza tayari, Halmashuri ya Manispaa ya Singida mpaka sasa imefanikiwa kuandikisha wanafunzi wa Darasa la Kwanza wapatao 5,611 ikiwa ni sawa na asilimia 84.1 na lengo lao likiwa ni kuandikisha wanafunzi 6,670 na uandikishaji ukiendelea.

Manispaa ya Singida imejipanga kuandikisha watoto wapatao 6,670 na mpaka sasa wameandikisha wanafunzi kwa asilimia 84.1 na uandikishaji wa wanafunzi ukiendelea katika Shule za Msingi za Manispaa.

Wanafunzi ambao tayari wameandikishwa kuanza darasa la kwanza wasichana ni 2821 sawa na asilimia 83.6 huku wavulana wakiwa ni 2790 sawa na asilimia 84.6.

Uandikishaji unaendelea katika shule mbalimbali huku baadhi ya shule zikiwa tayari zimevuka lengo lakini zimeendelea kupokea wanafunzi hao.

Kwa upande mwingi Manispaa ya Singida imefanikiwa kuandikisha watoto 4975 katika shule za awali ikiwa ni sawa na asilimia 70.6 na uandikishaji ukiendelea katika shule mbalimbali.

Wanafunzi wa awali wasichana ambao wameandikishwa 2515, na wavulana 2460 ikiwa ni sawa na asilimia 70 na uandikishaji ukiwa unaendelea.

Kaimu Afisa Elimu Msingi wa Manispaa, Ben Magesa amepita katika shule mbalimbali kuangalia namna gani hali inaenda katika uandikishaji wa wanafunzi hao baada ya shule kufunguliwa Januari 8, mwaka huu.