MANISPAA YA SINGIDA YAPONGEZWA KWA KUANZISHA KITUO CHA URASIMISHAJI SHUGHULI ZA BIASHARA

Posted on: July 1st, 2024

Mwenyekiti wa Bodi ya Baraza la Taifa la Uwezeshaji Wananchi kiuchumi, Prof. Joyce Kamuzora ameipongeza Halmashauri ya Manispaa ya Singida kwa jitihada zake za kuanzisha kituo cha urasimishaji shughuli za kibiashara na kusema halmashauri hii ni miongoni mwa halmashauri chache zilizoweza kufanikisha jambo hilo.

Kamuzora amesema hayo, leo Julai, Mosi, 2024 katika ziara ya wajumbe wa Bodi ya Baraza la Biashara Taifa kwenye Manispaa ya Singida ambapo yeye na wajumbe wa baraza hilo walionesha kufurahishwa na kituo hicho cha urasimishaji wa shughuli za biashara katika Manispaa ya Singida.

“ Katika taarifa yenu mmeonesha uwepo wa changamoto, kwetu sisi tunaona hamna changamoto zaidi ni mafananikio” amesema Prof. Kamuzora.

Amesema Baraza lake imezipokea na kwenda kuzifanyia kazi kupitia Bodi ya biashara, na kusisitiza kuwa baada ya urasimishaji ni wakati sasa wa kuhama na kwenda kwenye uzalishaji wa mazao ili kubaini wanaozalisha na kuongezea thamani mazao kupitia nyororo wa thamani.

Amesema uchumi wa nchi haujengwi kwa kuagiza bidhaa kutoka nje bali kwa kuzalisha bidhaa kutokana na mazao yanayolimwa nchini ambayo yameongezewa thamani kupitia mnyororo wa thamani. Aidha amesema kwa kuanzisha viwanda vya kuongeza thamani ya mazao kutatoa ajira hasa kwa vijana na kuongeza soko la bidhaa zetu ndani na nje ya nchi.

Jumla ya Vituo 23 vimeanzishwa nchini ili kurasimisha biashara na kuhimiza uwekezaji kwa kuongeza thamani ya mazao kupitia nyororo wa thamani.