MANISPAA YA SINGIDA YAZINDUA KAMPENI YA CHANJO YA SURUA NA RUBELA

Posted on: February 16th, 2024

Manispaa ya Singida, leo Februari 16, 2024 imezindua rasmi Kampeni ya Kitaifa ya Chanjo ya Surua na Rubella uliofanyika katika hospitali ya Manispaa.

Akizindua kampeni hiyo Mstahiki Meya wa Manispaa ya Singida, Yagi Maulid Kiaratu ameendelea kuwasisitiza wananchi kwa ujumla kujitokeza kuwapeleka Watoto katika chanjo ili kujikinga na maambukizi yasirua na Rubella.

Kauli mbinu ya kampeni ya Kitaifa ya Chanjo ya Surua na Rubella kwa mwaka 2024 ni ‘ONESHA UPENDO, MPELEKE MTOTO AKAPATE CHANJO. 

Kampeni hiyo Kwa Manispaa ya Singida Ilianza jana Februari 15 na inatarajiwa kuhitimishwa Februari 18, mwaka huu.

Chanjo hiyo inatolewa katika maeneo yote ya huduma za afya na katika maeneo maalum yaliyotengwa ndani ya Manispaa ya Singida.

Walengwa wa chanjo hii ni wale watoto wenye umri kuanzia miezi 09 mpaka miezi 59 kwa maana ya umri chini ya miaka 05.

Lengo la chanjo hiyo ni kumkinga mtoto na maambukizi ya virusi vya surua na rubella ambavyo husababisha homa Kali Kwa watoto.

  Meya alieleza kuwa chanjo hizo ambazo zinatolewa  ni Salama na zinalenga kuboresha afya ya mtoto na kumpa nafasi ya kukua kikamilifu na kumlipa na magonjwa ya mlipuko.

 Aidha kiongozi huyo amewapongeza kina mama Kwa kuwa mstari wa mbele katika kuwapeleka Watoto kupata chanjo huku akiwasisitiza kina baba nao kuhakikisha wanawaunga mkono kina mama katika zoezi hili ilikuhakikisha Watoto wanakuwa na afya njema.

“Chanjo hii ni muhimu kwa Watoto na haina madhara kama ambavyo watalaam wameeleza, kwa ninyi ambao mmejitokeza hapa naomba mkawaeleze na kuwashawishi majirani zenu iliwaweze kuleta watoto kupata chanjo,” amehimiza Meya.

 Aidha Mhe. Kiaratu alisisitiza kuwa chanjo hiyo ni bure hivyo wananchi wajitokeza kwa wingi kuhakikisha Watoto wanapata huduma hiyo muhimu kwa ajili ya kuimarisha Kinga za watoto.