MIKOPO YA ASILIMIA KUMI KUANZA KUTOLEWA JULAI MOSI,2024

Posted on: May 14th, 2024

Naibu Waziri Ofisi ya Rais Tawala za Mikoa na Serikali za Mitaa – TAMISEMI anayeshughulikia Elimu Mhe. Zainabu Katimba (Mb) amesema Serikali imeamua kuanza kutolewa kwa Mikopo ya asilimia 10 ya mapato ndani ya Halmashauri kwa makundi mbalimbali ili kuwa wezesha wananchi kuanzia 1/7/2024.

Mhe. Katimba amesema hayo leo Bungeni Jijini Dodoma katika kipindi cha Maswali na Majibu, wakati akijibu Swali la nyongeza la Mbunge wa Viti Maalum Mhe. Josephine Johnson Genzabuke (Mb). Aliyetaka kujua Je,Serikali ipo tayari kuwasaidia Vijana na Wanawake walioanzisha vikundi kupata Mikopo?

“Serikali imeamua kuanza kutolewa kwa Mikopo ya asilimia kumi ya ndani ya Halmashauri kuanzia tarehe 1/7/2024 mikopo hiyo itaanza kutolewa na maandalizi yanaendelea na niwahakikishie vijana wote Tanzania,watu wenye Ulemavu na wanawake wakae tayari”

Amesema kwasasa Fedha zipo za kutosha kwani kipindi hiki ambacho Mikopo ilikuwa imesitishwa Fedha zilikuwa zikiendelea kutengwa na marejesho ya Vikundi vyote ambavyo vilikuwa vimekopa vimeendelea kurejesha.

“Mikopo hii inaewawezesha makundi ya vijana kupata mitaji kwaajili ya kuanzisha na kuboresha shughuli zao za kiuchumi, Serikali inatoa wito kwa Vijana kuendelea kutumia fursa zinazowalenga ikiwemo za elimu ya vikundi, mafunzo na ushauri wa kitaamu mikopo na fursa ya mikopo inayotolewa kupitia Mamlaka ya Serikali za Mitaa ili waweze kujikwamua kiuchumi” Mhe. @zainabkatimba