Miradi iliyopitiwa na Mbio Maalum za Mwenge wa Uhuru wilayani Singida

Posted on: July 22nd, 2021

Wilaya ya Singida imepokea mbio Maalum za Mwenge wa Uhuru katika kijiji cha Kibaoni Kata ya Mudida ukitokea Wilaya ya Mkalama kauli mbiu ikiwa “Tehama ni msingi wa Taifa Endelevu; Itumike kwa Usahihi na Uwajibikaji”.

Jumbe nyingie zilizoambatana na kauli mbiu ni Pamoja na Kupambana na Rushwa ni Jukumu langu

Mshikamano wa Kitaifa; Tuwajibike kwa pamoja.

Elimu sahihi juu ya Dawa za kulevya huboresha huduma kwa Waraibu; Chukua hatua

Tujenge jamii yenye Afya imara kwa kuzingatia Lishe bora.

Ziro Malaria inaanza Mimi; Nachukua hatua kuitokomeza

Mbio Maalum za Mwenge wa Uhuru Wilayani Singida zimekimbizwa umbali wa kilomita 114.5 kutokea eneo la mapokezi kijiji cha Kibaoni Kata ya Mudida hadi eneo la mkesha katika uwanja wa Shule ya Msingi Ukombozi.

Aidha Mwenge wa Uhuru 2021 katika Wilaya ya Singida utatembelea, kufungua, kuweka mawe ya Msingi na kuzindua miradi 10 ikiwemo 4 ya ujenzi na miradi 6 ya Programu yenye thamani ya Tsh.717, 703,954.62