MKOA WA SINGIDA KUPOKEA MBEGU ZA RUZUKU ZA ALIZETI ZENYE THAMANI YA ZAIDI YA BILIONI 8.5

Posted on: January 3rd, 2024

MKOA wa Singida umepokea mbegu za ruzuku za Alizeti zenye thamani ya shilingi bilioni 8.5 ambazo zitatolewa kwa wakulima mkoani hapo, ilikuongeza uzalishaji bora na wenye tija.

Hayo yamesema leo Januari,3, 2024 na Naibu Waziri wa Kilimo, David Silinde (Mb), wakati akizindua rasmi programu ya usambazaji wa mbegu za Alizeti aina ya "record" Katika Mkoa wa Singida, uzinduzi uliofanyika katika Manispaa ya Singida, ukumbi wa RC mission.

Tukio Hilo la uzinduzi wa programu hiyo, lilihudhuriwa na viongozi mbalimbali wa serikali, Chama na Taasisi, Wakuu wa Idara Mkoa, Halmashauri za mkoa wa Singida pamoja na wakulima kutoka katika halmashauri 7 za Mkoa wa huo.

Silinde alisema: “Singida itapewa tani 600 za mbegu bora za Alizeti na tani 315 za mbegu chotara ambazo ni sawa na asilimia 42.8 ya mbegu zote ambazo zinasambazwa nchini zenye thamani ya bilioni 6.5 na mbegu za uchavushaji tani 285 ambazo thamani yake ni bilioni 2.28 hivyo kwa msimu huu, Singida itapata mbegu zenye tahamni ya bilioni.8.5 ambazo zitatolewa kwa bei ya ruzuku ya serikali.”

Hata hivyo, kiongozi huyo aliongeza kuwa: Wizara ya Kilimo kwa msimu wa 2023/24 kupitia Wakala wa Mbegu ASA wanatarajia kusambaza jumla ya tani 2045 za mbegu bora za alizeti zilizothibitishwa ikiwa ni pamoja na tani 700 za mbegu chotara ambazo zinaingizwa kutoka nje ya nchi na tani 625.4 zinapatikana kupiti kwa makampuni binafsi ndani ya nchi.

“Matarajio yetu kama wizara na serikali ni kuona mbegu hizo zinatumika ipasavyo kama ilivyokusudiwa ili kutimiza azma ya Serikali ya uzalishaji wa mafuta ya kutosheleza nchini.” amesisitiza Silinde.