MKURUGENZI WA MANISPAA AFUNGUA MAFUNZO YA ANWANI ZA MAKAZI

Posted on: March 13th, 2024

Kaimu Mkurugenzi wa Halmashauri ya Manispaa ya Singida, Adrianus Kalekezi amefungua mafunzo ya siku mbili ya Uhakiki Anwani za Makazi katika Mfumo wa Kidigitali (NaPA) katika Manispaa ya Singida.

Mafunzo hayo yametolewa kwa Watendaji wa Kata, Vijiji na Mitaa pamoja na Wenyeviti wa Mitaa na Vijiji Halmashauri ya Manispaa ya Singida kwa ajili ya Uhakiki wa Anwani za Makazi.

Zoezi hilo lilifanyika, katika Ukumbi wa Maktaba ya Shule ya Sekondari ya Mwenge Manispaa ya Singida.

Mkurugenzi amefungua mafunzo hayo akiwa na Wataalam kutoka Wizara ya Habari, Mawasiliano na Teknolojia ya Habari ambao ni wataalam wa mfumo wa Anwani za Makazi pamoja na Wataalum kutoka Ofisi ya Mkuu wa Mkoa wa Singida na Halmashauri ya Manispaa ya Singida.
Mkurugenzi amesema uwepo wa Anwani za Makazi utakuwa msaada mkubwa kwa jamii kama ilivyo kwa nchi zilizoendelea.
"Hizi Anwani za Makazi ni maagizo kutoka kwa Rais wetu wa Jamhuri ya Muungano wa Tanzania, Dkt Samia Suluhu Hassan kwamba nchi nzima twende kwenye Anwani za Makazi  na zoezi hili lilianza tangu huko nyuma.
"Na leo tupo na wataalam wetu wa mfumo wa Anwani za Makazi ambao watatoa mafunzo hapa na kutoa elimu zaidi na kuona tunapata Anwani za Makazi, kwani kuna majengo mapya na kuna sehemu zilikuwa hazijapimwa,ila sasa kila kitu kitaenda sawa.
"Uwepo wa Anwani za Makazi kuna faida kubwa jambo ambalo litakuwa msaada kwa wakazi na nchi yetu kwa ujumla kama ambavyo wetu Ulaya wamekuwa na utaratibu huu ambao umekuwa ni rafiki.
" Hapa tunapewa elimu zaidi, ilikwenda katika Kata, Mitaa na Vijiji vyetu kuona mambo yanaenda sawa kwa kuwa na Anwani za Makazi, lakini pia mafunzo haya yatajenga uelewa hasa katika Mfumo wa kidigitali(NaPA).