MKUU WA MKOA MPYA AKABIDHIWA OFISI, AWAASA WATUMISHI KUPIGA KAZI

Posted on: March 12th, 2024

Mkuu wa Mkoa mpya wa Singida,Bi Halima Dendego, amekabidhiwa rasmi ofisi na aliyekuwa Mkuu wa Mkoa huo, Peter Serukamba ambaye kwa sasa amehamishiwa Mkoa wa Iringa huku akiwaasa watumishi kupiga kazi kwa bidii.

Makabidhiano hayo yamefanyika katika Viwanja vya Ofisi ya Mkuu wa Mkoa wa Singida na kuudhuriwa na viongozi mbalimbali wa serikali, chama na Taasisi.

Bi Halima awali alikuwa Mkuu wa Mkoa wa Iringa kabla ya kuhamishiwa hapa Singida hivi karibuni kuchukua nafasi ya Serukamba.

Mkuu wa Mkoa mpya Bi Halima amesema wakazi wa Singida wasiwe na hofu katika suala la utendaji kazi kwani anaamini kila kitu kinawezekana na utendaji wake wa kazi hauna tofauti na aliyeondoka na kwani Mkoa wa Singida upo salama na utaendelea kupiga hatua kimaendeleo.

Aidha kiongozi huyo mpya wamewaasa watendaji wote katika Mkoa wa Singida kufanya kazi kwa bidii na kutimiza majukumu yao na kuwa na ushirikiano.

Aliyekuwa Mkuu wa Mkoa huo, Peter Serukamba amewashukuru viongozi wote Serikali na chama kwa ushirikiano mkubwa ambao aliupata kipindi akiwa mkoani hapo.