MSIMAMIZI WA UCHAGUZI WA HALMASHAURI YA MANISPAA YA SINGIDA ATOA MAELEKEZO KUHUSU UCHAGUZI WA SERIKALI ZA MITAA

Posted on: September 26th, 2024

Msimamizi wa Uchaguzi wa Halmashauri ya Manispaa ya Singida, Bi. Joanfaith Kataraia, ameweka wazi maelekezo muhimu kuelekea Uchaguzi wa Serikali za Mitaa utakaofanyika tarehe 27 Novemba 2024.

Maelekezo hayo yalitolewa mapema leo mbele ya viongozi wa vyama vya siasa na kamati za dini mbalimbali na Msimamizi wa Uchaguzi leo, Septemba 26,2024.

Miongoni mwa maelekezo yaliyotolewa na Bi Kataraia ni pamoja na Siku ya Uchaguzi, Muda na sehemu yakuandikisha wapiga Kura, Muda na mahali pakufanyia Uchaguzi, Sifa za wanaostahili kupiga kura na na kugombea nafasi za uongozi, Nafasi zinazogombewa Ndani ya Serikali za Mitaa, Siku ya utoaji na urejeshwaji wa Fomu za kugombea nafasi za Uongozi wa Serikali za Mitaa, Uteuzi wa Viongozi, Ukataji wa Rufaa, Siku na Utaratibu wa Kampeni za Uchaguzi wa Serikali za Mitaa.

"Ni muhimu wananchi wajitokeze kwa wingi kushiriki uchaguzi huu, kwa kufuata kanuni na taratibu zilizowekwa,"

Bi. Kataraia. Aliongeza kuwa ushiriki huu ni fursa ya kuimarisha maendeleo ya Halmashauri na kukuza demokrasia katika mitaa na vitongoji vyetu kwa maendeleo ya taifa.