RAS AFUNGA MICHUANO YA UMITASHMTA NGAZI YA MKOA SINGIDA

Posted on: May 31st, 2024

Katibu Tawala wa Mkoa wa Singida, Dkt Fatma Mganga leo Mei 31, 2024 amefunga mashindano ya UMITASHUMTA ngazi ya mkoa mashindano ambayo yalikuwa yanafanyika katika viwanja vya Shule ya Sekondari Mwenge, katika Manispaa ya Singida ikiwa ni maandalizi ya kuandaa timu za mkoa kulekea mashindano ya UMITASHUMTA kitaifa ambayo yatafanyika Tabora kuanzia Juni 6, mwaka huu.

Dkt Mganga amesema anaamini katika mashindano ya kitaifa mwaka huu, Mkoa wa Singida utafanya vizuri kwa namna ambavyo wamefanya maandalizi mazuri licha ya kuwepo mapungufu machache ambayo yanaendelea kufanyiwa kazi ili kuhakikisha kila kitu kinaenda sawa katika michuano ya kitaifa ya UMITASHUMTA ambayo itaanza hivi karibuni mkoani Tabora.