SERIKALI NA WADAU WILAYANI SINGIDA WATATUA CHANGAMOTO YA MALAZI KWA WAFUNGWA

Posted on: December 9th, 2022

Serikali na wadau mbalimbali wa maendeleo mkoani Singida, wamekabidhi msaada wa magodoro 74 na blankenti 143, wakati wa kilele cha maadhimisho ya miaka 61 ya uhuru, ambayo hufanyika kila mwaka siku ya Disemba 09, hapa chini.

Akikabidhi vifaa hivyo mkuu wa wilaya ya Singida Mhandisi Paskasi Muragili, amesema kuwa, wamelazimika mkutoa msaada huo badaa ya kubaini kuna uchakavu uliokithiri wa magodoro na mablanketi katika Grereza hilo, hivyo kuhitaji msaada wa vifaa hivyo.

Mhandisi Mulagiri, amesema kuwa wananchi hawanabudi kujenga tabia ya kuwajali na kuwapenda watu wenye mahitaji mbalimbali, wakiwemo wafungwa kwani pia wao ni binadamu na wana haki zote za msingi.

Mkuu huyo wa wilaya aliyeambatana na wajumbe wa kamati ya usalama ya Wilaya hiyo, ameutaka uongozi wa gereza la Singida kuhakikisha vifaa vilivvyotolewa vyote  vinatunzwa ili viweze kudumu kwa muda mrefu.

“Leo unaweza kulazwa hospitalini ukawa mhitaji, lakini pia ukafanya kosa dogo tu likakufikisha gerezeni, sasa natoa wito kwa wananchi tujenge tabia ya kujitoa kwa watu wenye uhitaji mbalimbali” amesema Mhandisi Mulagiri.

Baadhi ya Wadau wa maendeleo waliotoa michango hiyo ni pamoja na Manispaa ya Singida, Kamati ya Usalama Wilaya na Halmashauri ya Wilaya Singida. Wengine ni TRA , Mount Meru Millers, Regency Hotel , Lake View Hotel naTANESCO

Katika hatua nyingine,jumla ya wafungwa 287 wa gereza la Singida wamepata msamaha wa Rais na hivyo kuachiwa huru, wakiwemo wafungwa wanawake wawili na wanaume 127, huku kundi la pili likijumuisha maabusu wanawake wanane na wanaume 121.

Akitoa taarifa mbele ya mkuu wa wilaya, mkuu wa Gereza la Singida, Mrakibu wa Magereza, Mohammed Ng’anzi, aliishukuru serikali na wadau waliojitoa kwa ajili ya kusaidia vifaa hivyo, ambavyo ni muhimu kipindi hiki, baada ya kuwepo kwa changamoto za uchakavu uliokithiri wa vifaa hivyo.

Mrakibu huyo ametaja gharama za mahitaji hayo kuwa ni shilingi 7,290,000, na akatoa rai kwa wananchi na wadau wengine wa maendeleo, kuhakikisha wanajitoa katika kutatua changamoto za mahitaji kwa walengwa.

Wakati huo huo Mkuu wa Wilaya ya Singida amefungua mdahalo wa maadhimisho wa miaka 61 ya uhuru kuhusu masuala ya uchumi, uzalendo, huduma za jamii na rushwa, uliofanyika katika Ukumbi wa chou cha uhasibu nakudhuruiwa na wadau mbalimbali vikiwemo vyama vya siasa, viongozi wa dini, wataalamu mbalimbali , watumishi wa umma na wananchi kwa ujumla

Aidha zoezi la uchangiaji damu limeendeshwa katika eneo hilo kwa wananchi waliojitokeza.