SHULE MPYA YA MWAJA SEKONDARI KUANZA RASMI MACHI 17, 2025

Posted on: March 15th, 2025

Shule mpya ya Mwaja Sekondari, iliyopo kata ya Mandewa, katika Halmashauri ya Manispaa ya Singida, inatarajiwa kuanza rasmi Jumatatu, Machi 17, mwaka huu.

Shule hiyo itaanza na wanafunzi 135 wa Kidato cha Kwanza, ambao wametoka kwa hiari katika shule za sekondari za Utemini, Mandewa, na Unyianga. Wanafunzi hawa tayari wamekamilisha taratibu zote zinazohitajika.

Walimu 12 tayari wamepangiwa kuanza kazi katika shule hiyo mpya, ambapo kila mmoja atatekeleza majukumu yake kwa ufanisi na weledi.

Shule hii ni mpya kabisa na inatarajiwa kuwa ni mkombozi kwa wanafunzi waliokuwa wakitembea umbali mrefu kutafuta elimu katika shule nyingine.

Pongezi kwa Serikali ya Awamu ya Sita, chini ya Rais wa Jamhuri ya Muungano wa Tanzania, Mhe. Dkt. Samia Suluhu Hassan, ambaye ameendelea kuboresha miundombinu ya elimu katika Halmashauri ya Manispaa ya Singida.

Kwa ujumla, uanzishwaji wa shule hii ni juhudi za Serikali katika kuhakikisha kuwa wanafunzi wanapata elimu bora katika mazingira bora, huku wakiepuka vikwazo vya umbali mrefu katika kupata huduma za elimu.