TANESCO YAIKABIDHI SINGIDA MANISPAA VIFAA VYA KUIFADHIA TAKA

Posted on: October 7th, 2025

Shirika la Umeme Tanzania (TANESCO) Mkoa wa Singida limetoa vifaa vya kuhifadhia taka katika Stendi Kuu ya Misuna, Manispaa ya Singida, ikiwa ni sehemu ya maadhimisho ya wiki ya huduma kwa wateja.

Vifaa hivyo vimekabidhiwa kwa Mkuu wa Idara ya Mipango na Uratibu wa Manispaa ya Singida, Christopher Ngonyani, aliyemwakilisha Mkurugenzi wa Manispaa hiyo, Joanfaith Kataraia.

Ngonyani amesema msaada huo utasaidia kuboresha hali ya usafi katika stendi hiyo na mji kwa ujumla. “Vifaa hivi vitasaidia kuiweka Manispaa yetu salama katika hali ya usafi,” amesema.

Kwa upande wake, Mhandisi wa Afya na Usalama wa TANESCO mkoani, Eng. Nyerere Ernest amesema walichagua Stendi ya Misuna kwa kuwa ni eneo lenye mkusanyiko mkubwa wa watu, hivyo ni muhimu kuwa na vifaa vya kuhifadhia taka kwa usalama wa mazingira.