TUJIPANGE KUONESHA UTOFAUTI WETU KWA UBORA KATIKA UTEKELEZAJI WA MAJUKUMU

Posted on: August 21st, 2024

Mkurugenzi wa mpya wa Manispaa ya Singida, Joanfaith Kataraia amewataka watumishi wa Manispaa ya Singida kujipanga katika utekelezaji wa majukumu yao ili kuitofautisha halmashauri hiyo na zingine kwa ubora katika utekelezaji wa majukumu na hasa ukusanyaji wa mapato.

Mkurugenzi kataraia amesema hayo leo Agosti 21, 2024 wakati akiongea na watumishi wa Halmashauri ya Manispaa ya Singida baada ya makabidhiano ya ofisi baina yake na Mkurugenzi aliyehama.

Kataraia amesema kama Manispaa tuna kila sababu ya kujitofautisha na wenzetu kwa ubora na ubunifu katika kutekeleza shughuli zetu hasa katika kukusanya mapato.

Aidha ameomba ushirikiano kwa watumishi ili kuweza kusukuma gurudumu la maendeleo mbele kwa kuboresha namna ya utekelezaji wa majukumu ya kila idara na hivyo kufikia malengo kwa ubora hali itakayoifanya Manispaa kuwa kioo kwa wengine.

“Tunapaswa kujiboresha katika shughuli zetu ili kuonesha utofauti kati yetu manispaa na halmashauri nyingine….ninaimani kwa ushirikiano wetu hakuna litakaloshindikana”, amesisitiza Kataraia.

Pamoja na hayo, Mkurugenzi Kataraia ametaka Wakuu wa Idara na Vitengo kusimamia vyema fedha za serikali na hasa mikopo ya Wanawake, Vijana na watu wenye ulemavu kwa kuhakikisha zinarejeshwa kwa wakati.Pia ametaka wakusanyaji wa mapato kuhakikisha wanapeleka fedha benki  kwa wakati ili kuepuka madeni pamoja na hoja  za ukaguzi.

Akizungumzia suala la utoaji huduma Mkurugenzi Kataraia amesema, anatarajia kuona huduma nzuri zikitolewa kwa wananchi ili kuepuka malalamiko lakini pia huduma nzuri kwa watumishi wengine wenye uhitaji pwa huduma katika ofisi za Manispaa.

Mkurugenzi huyo pia ametumia fursa hiyo kuwaasa Wakuu wa idara hao pamoja na wakuu wa vitengo wameaswa na mkurugenzi wametakiwa kusimamia vyema miradi ya maendeleo ili kuhakikisha inakamilika kwa wakati na kwa thamani halisi ya fedha ilitolewa “tusimamie miradi yote kwa nguvu zote…. Tutembee kwa spidi kweli kweli”, amehimiza.