UBORA WA MIUNDOMBINU UENDANE NA UBORA WA ELIMU

Posted on: October 27th, 2023

Wajumbe wa Kamati ya kudumu ya Bunge ya Tawala za Mikoa na Serikali za Mitaa, wameeleza kuridhishwa na ubora wa mradi wa elimu walioutembelea  na kutoa rai kwa viongozi wa mkoa, wilaya na Halmashauri ya Manispaa kuhakikisha ubora huo unaenda sambamba na ubora wa elimu.

Kamati ya kudumu ya Bunge ya Tawala za mikoa na Serikali za Mitaa leo Oktoba 27, 2023 imetembelea miradi katika mkoa wa singida katika Wilaya ya Ikungi na Halmashauri ya Manispaa ya Singida ambapo wamempongeza Mhe. Rais wa Jamhuri ya Muungano wa Tanzania . Dkt. Samia Suluhu Hassan kwa kazi nzuri anayoifanya ya kuleta maendeleo kwa wananchi wake.

Makamu Mwenyekiti wa kamati hiyo Mhe. Justine Nyamoga, amesema ubora wa shule ziliziojengwa imeondoa utofauti baina ya shule binafsi na shule za serikali na kutoa rai kwa viongozi na hasa walimu kuhakikisha miundombinu hiyo inatunzwa ili iweze kudumu kwa kipindi kirefu.

“ …..nitoe rai kwa walimu kuhakikisha miundombinu inatunzwa…. Tusaidiane kuenda na ustarabu kulingana na miundombinu tuliyonayo”, Amehimiza Mh. Nyamoga.

Mhe. Nyamoga amempongeza waziri wa OR- TAMISEMI, Mhe. Mohamed Mchengelwa  na watangulizi wake pamoja na wazaidizi wake wote kwa kazi nzuri ya usimamizi na ufuatiliaji wa miradi ya maendeleo inayoendelea kutekelezwa kote nchini.

Makamu Mwenyekiti huyo aliteua wajumbe wawili kuzungumzia miradi hiyo ambapo Mhe. Hawa Mwaifunga, alimshukuru Mhe. Rais Dkt. Samia suluhu Hassan kwa kazi kubwa anayoifanya ya kuletea wananchi wake maendeleo  na kuongeza kuwa upande wa pili umkuwa ukilalamikia maendeleo kwa wananchi jambo ambalo Rais ameliona kwa dhati ya moyo wake.

Mhe. Hawa amesisitiza kuwa jambo ambalo wananchi wanalopaswa kuona kwa sasa ni elimu bora kwa watoto wao inayoendana na miundombinu bora ambayo Mhe. Rais ameipigania ili kuhakikisha watoto wanapata mazingira bora ya kujifunzia.

Aidha ametoa pongezi kwa uongozi wa Mkoa, Wilaya na Manispaa ya singida kwa usimamizi mzuri wa miradi ya maendeleo pia kwa mafundi waliokasimiwa kazi ya ujenzi ( local Fundis)kwa kazi nzuri ya kizalendo waliyoifanya.

Naye Mheshimiwa Magreth Sitta, amemshukuru Rais wa Jamhuri ya Muungano wa Tanzania kwa kuipa elimu kipaumbele , na kuiasa jamii kuhakikisha wanasajili watoto kujiunga na elimu ya awali na msingi lakini pia kuhakikisha watoto waliosajiliwa wanahudhuria shuleni.

“ ili kuuunga mkono kazi nzuri anayofanya Rais wetu, ni nyinyi kuhakikisha watoto wanasajiliwa na wanahudhuria shuleni”, amesema Mhe.Sitta huku akiihimiza utunzaji wa miundombinu hiyo.