VIONGOZI NA WANANCHI WAJITOKEZA KUTEMBELEA BANDA LA MANISPAA YA SINGIDA

Posted on: August 7th, 2024

Viongozi wa serikali, wakuu wa idara, vitengo vya Halmashauri, na wananchi kwa jumla wameendelea kutembelea banda la Halmashauri ya Manispaa ya Singida katika Maonesho ya Nanenane yanayofanyika kitaifa mkoani Dodoma.

Leo, katika eneo la maonesho, wageni walipata fursa ya kujifunza kuhusu mbinu bora za kilimo kutoka kwa wajasiriamali na wataalam wa Manispaa ya Singida. Maelezo yaliyotolewa yalihusu hatua zote muhimu za kilimo, kuanzia upandaji hadi uvunaji wa mazao kama vitunguu, mtama, na alizeti.

Wananchi kutoka maeneo mbalimbali walijitokeza kwa wingi ili kupata elimu ya kisasa kuhusu kilimo, huku wakiangazia mbinu zinazowezesha kuongeza uzalishaji na kuboresha ubora wa mazao. Maonesho haya ni sehemu ya juhudi za kuhamasisha na kuelimisha jamii kuhusu kilimo cha kisasa na mikakati ya maendeleo ya kilimo.