WAFUGAJI MANISPAA YA SINGIDA WANUFAIKA KWA UJENZI WA MAJOSHO 02

Posted on: July 18th, 2022

Wafugaji katika  Manispaa ya Singida wamenufaika kufuatia ujenzi wa majosho 02 yaliyojengwa  na wizara ya Mifugo na Uvuvi kwa mwaka 2021/2022 .

Wizara ya Mifugo na Uvuvi kwa mwaka wa fedha2021/2022  ilitenga Tshs. 36,000,000/-  kwa ajili ya kuwezesha ujenzi wa majosho 02 katika  Halmashauri ya Manispaa ya Singida katika kijiji cha Manga Kata ya Mtipa na josho  la pili katika Mtaa wa Mtisi , Kata ya Mtamaa.

Mkuu wa idara ya Mifugo na Uvuvi Dr. Adrianus Kalekezi amesema, Ujenzi wa majosho hayo ulianza Aprili 2022 ambapo hadi kufikia Julai 2022 ujenzi wa josho la Manga umefikia asilimia 99 na wakati ujenzi wa josho la Mtisi unaendelea.

Amesema Lengo la Serikali ni kutokomeza magonjwa yatokanayo na kupe kupitia uogeshaji wa mifugo na kuhakikisha huduma za mifugo zinasogezwa karibu na wafugaji. Aidha amesema majosho hayo yataanza kutumika mwezi Agosti 2022. Kata ya Mtipa inakadiriwa kuwa na ng'ombe wapatao 2,500.