WAKULIMA MANISPAA YA SINGIDA WATAKIWA KUONGEZA ENEO LA KILIMO MSIMU WA KILIMO 2024

Posted on: November 15th, 2023

Wakulima katika manispaa ya Singida wametakiwa kuongeza maeneo ya kilimo katika msimu wa kilimo mwaka 2024 ili kuongeza uzalishaji wa mazao ya chakula na biashara.

Mkuu wa mkoa wa Singida, Peter Serukamba, ametoa wito hu oleo tarehe 15 November 2023 katika ziara yake ya kusikiliza kero za mwananchi katika kata za Mtamaa na Mwankoko, Manispaa ya Singida.

Mkuu huyo wa Mkoa amewahimiza watendaji wa Kata kuhakikisha wanasajili wakulima katika madaftari ya wakulima ili kuwawezesha kupata mbolea na mbegu za ruzuku ili kuwezesha uzalishaji wa mazao kwa wingi.

Amewataka maafisa hao kilimo kutokukaa ofisini na badala yake wawafikie wakulima na kuwasajili ili kuwawezesha kupata mbegu na mbolea za ruzuku ili kuwahi kupanda msimu huu wa kilimo kwa matokeo makubwa ya uzalishaji wa mazao. Aidha amemtaka Mkurugenzi kuhakikisha mbegu za ruzuku hazilanguliwi na wasambazaji ili wakulima wapate mbegu hizo kwa bei elekezi ya serikali.

“…ongezeni eneo la kilimo, mbolea na mbegu zipo….. lazima umasikini uondoke kwa kupitia kwenye kilimo”, amesisitiza Serukamba

Pamoja na kusikiliza kero za wananchi zilizojikita katika sekta za kilimo, maji, barabara, umeme na afya, Mkuu wa Mkoa Peter Serukamba, aliweza pia kukagua miradi ya maendeleo katika sekta za Elimu, maji, na umeme katika kata hizo mbili za Mtamaa na Mwankoko.