WANAFUNZI SHULE YA MSINGI UNYAMIKUMBI KUNUFAIKA NA UJENZI WA VYUMBA VIPYA VYA MADARASA

Posted on: December 17th, 2024

Shule ya Msingi Unyamikumbi ni miongoni mwa shule  zilizopata fedha kupitia mradi wa BOOST  mwaka 2023/2024 kwa ajili ya ujenzi wa vyumba 3 vya madarasa na matundu 6 ya vyoo vyote kwa pamoja vikigharimu kiasi cha Tshs. 79,2000,000.00

Shule hii ni moja ya shule kongwe za msingi katika Manispaa ya Singida iliyojengwa miaka 1954 hivyo wanafunzi zaidi ya 1000 wanatarajiwa kunufaika na mradi huo.

Mwalimu Mkuu wa Shule hiyo, Julius John Mgogo ameishukuru serikali ya awamu ya sita  kwa kuipatia shule hiyo fedha ili kutekeleza mradi wa ujenzi wa vyumba 3 vya madarasa na matundu sita ya vyoo vya wasichana kupitia mradi wa uboreshaji miundombinu ya kujifunzia na kufundishia wa BOOST.

Pamoja na hayo, Mgogo ameiomba serikali kuipatia shule hiyo walimu kwani walimu kutokana na uhaba wa walimu uliopo ambapo kwa sasa kuna walimu 11 na uhitaji ni walimu 16

“Shukrani za pekee ziende kwa Mhe. Rais wa Jamhuri ya Muungano wa Tanzania Dkt. Samia Suluhu Hassan kwa maono yake ya kukuza elimu ambayo yameifikia shule yetu kongwe ya Unyamikumbi…… shule ya Tangu mwaka 1954. Tunaomba kuongezewa walimu na kukamilisha vyumba 2 vya madarasa ili wanafunzi wetu 1021 waweze kusoma katika mazingira bora”, amesema Mgogo

Shule ya Msingi Unyamikumbi inatarajia kuwa na wanafunzi 1021 kwa mwaka 2025 kutokana na takwimu za uandikishaji za mwaka 2024

Mradi wa ujenzi wa vyumba 3 vya madarasa  Shule ya Msingi Unyamikumbi ukiendelea na hatua ya ukamilishaji ( skimming)

Ujenzi wa matundu 6 ya vyoo , ujenzi huu ni sehemu ya mradi unaogharimu Tshs. 10,2000,000.00 ukiwa unaendelea na ujenzi

vyumba vya madarasa katika shule ya Msingi Unyamikumbi vilivyojengwa miaka ya 1954

Moja ya vyumba vya madarasa vilivyojengwa kwa nguvu za wananchi miaka ya 1954