WANANCHI KIMPUNGUA WAUNGA MKONO JITIHADA ZA MHE. RAIS ZA KUBORESHA MIUNDOMBINU YA KUJIFUNZIA

Posted on: May 17th, 2024

Wananchi wa eneo la Kimpungua kata ya Misuna wameunga mkono jitihada za Mhe. Rais wa Jamhuri ya Muungano wa Tanzania, Dkt. Samia Suluhu Hassan kwa kuboresha mazingira ya kujifunzia kwa wananfunzi wa shule ya msingi Kimpungua.

Mwalimu Mkuu wa Kimpungua, Hedwiga Roman Mtalo  amesema  katika kikao cha kujadili maendeleo ya shule baina ya wazazi na kamati ya shule na wazazi, imeridhiwa wazazi kuunga mkono jitihada za Rais za kuboresha miundombinu ya kufundishia na kujifunzia ili kuinua kiwango cha elimu nchini.

Amesema Wazazi wamekubaliana kuomba kibali kwa mkuu wa wilaya ili waweze kuchangia Tsh. 6,000. kwa kila mzazi ili kutengeneza jumla ya madawati 81 kati ya madawati 162 yanayohitajika.

Amefafanua kuwa idadi hiyo ya madawati 81 itatatua changamoto ya upungufu wa madawati uliopo.

Shule ya Msingi kimpungua, kwa mwaka wa fedha 2022/2023 na 2023/2024 imepokea fedha kiasi cha Sh.40,000,000 kwa ajili ya ujenzi wa vyumba 02 vya madarasa pamoja na madawati 30 ya wanafunzi.

Kwa upande wake Mkuu wa Idara ya Elimu Msingi, Omary Maje amefafanua kuwa katika bajeti ijayo ya mwaka 2024/2025 shule msingi Kimpungua imetengewa kiasi cha Shs 25,000,000 kwa ajili ya ukamilishaji wa vyumba 02 na ofisi 01 ya walimu.