WATENDAJI KATA WAPEWA MAAGIZO KODI YA JENGO

Posted on: March 15th, 2024

• 
  

  
  

  
  

  
  

  
  
  Mkuu wa Kitengo cha Fedha na Uhasibu,Halmashauri ya Manispaa ya Singida, Sile Salmin amewaagiza Watendaji ya Kata kuainisha majengo yote yaliyopo Manispaa ya Singida ili kuwezesha ukusanyaji wa Kodi ya Jengo.
   
  Zoezi hilo ya kuainisha majengo limeombwa kwenda sambamba na zoezi la uhakiki wa Anwani za Makazi ili iwe rahisi kwa Manispaa kukusanya mapato kupitia Kodi ya Majengo.
   
  Kodi ya jengo ni tozo kwa mujibu wa Sheria kwenye majengo/nyumba ambazo zimekamilika. kwa Majiji, Manispaa na Halmashauri za Mji Kodi ya Jengo kwa nyumba za kawaida katika kiwanja chenye jengo moja linalotumika ni Shilingi 18,000 na Shilingi 90,000 kwa ghorofa.
  
  Sile alisema kama majengo yatabainishwa itakuwa ni kazi rahisi kwa TANESCO kuwatambua walipaji kupitia Luku na Halmashauri itaweza kukusanya mapato yake vizuri.
  
  "Kodi ya Majengo inapaswa kulipwa na kila mmiliki wa jengo na kodi zipo kwenye makundi mawili majengo ya kawaida na yale ya ghorofa na kodi hii inalipwa mara moja kwa mwaka. Nawaomba Watendaji wa Kata kulifanyia kazi zoezi hili la kuainisha majengo.
  
  "Kama inavyofahamika kodi hii inatozwa kwa Luku, lakini si majengo yote ambayo yanalipia ndiyo maana tunahitaji takwimu za kila jengo ziweze kwenda TANESCO ilituweze kukata kodi japo kuna majengo hayana luku,ila watatakiwa kulipia na wengine wanazo luku,lakini hawalipi tunahitaji taarifa zao katika zoezi ilikuweza kufanikisha ulipaji wa kodi za majengo."