WATENDAJI WA KATA,WAKUU WA IDARA NA VITENGO, WAPONGEZWA KWA UTEKELEZAJI MZURI WA MAJUKUMU YAO

Posted on: May 8th, 2024

Mstahiki Meya wa Manispaa ya Singida ,Yagi Kiaratu amewapongeza Watendaji wa Kata na Wakuu wa Idara na Vitengo Kwa usimamizi na utekelezaji mzuri wa majukumu yao ya Kila siku katika halmashauri hiyo.

Meya Kiaratu ametoa pongezi hizo Leo Mei 08, 2024 katika Mkutano wa Baraza la Madiwani Robo ya Tatu uliofanyika katika ukumbi wa Chuo Cha ufundi VETA, Singida.

Amesema anatambua kazi nzuri zinazofanywa na Watendaji wa Kata licha ya upungufu mkubwa wa watumishi ngazi ya mitaa na kuahidi kutoa ushirikiano wakati wote.

Mstahiki Meya pia ametoa pongezi Kwa wakuu wa Idara na Vitengo Kwa usimamizi mzuri wa shughuli zao katika Idara na Vitengo vyao ukiwa ni pamoja na kukuza ushirikiano baina yao na madiwani.

Aidha ametoa rai kwa wataalam katika ngazi zote na madiwani kuendelea kushirikiana na kuhakikisha dhamana waliyopewa na wananchi inatendewa haki na kufikia malengo kusudiwa