WATUMISHI MANISPAA YA SINGIDA WAPATA FURSA YA KUJIFIFUNZA TEKNOLOJIA MPYA ZA KILIMO NA UFUGAJI

Posted on: August 8th, 2024

Wakuu wa Idara na vitengo pamoja na watendaji wa kata, wamepongeza hatua ya Mkurugenzi Manispaa ya Singida Jeshi Lupembe, ya kuwawezesha kushiriki maonesho ya Nane Nane 2024, ili kujifunza mbinu/ teknolojia mpya za kilimo na ufugaji ili kuzitumia katika kata wanazozisimamia na hivyo kuongeza uzalishaji.

Watumishi hao wameeleza furaha yao leo 8/8 katika viwanja vya maonesho ya Nane Nane nzuguni jijini Dodoma.

Watumishi hao wamesema kitendo alichofanya Mkurugenzi Jeshi Lupembe, ni cha kimaendeleo kwani kimewawezesha kupanua upeo wao katika kubuni mbinu mbalimbali zitakazoongeza uzalishaji katika kilimo, ufugaji, uvuvi, mazao yatokanayo na misitu pamoja na ujasiriamali.

"... Mkurugenzi ana maono kwa kutuleta huku ni kama darasani tunaenda kutekeleza kwa vitendo kwa wananchi wetu".

Watumishi waliopata nafasi ya kutembelea maonesho hayo ni pamoja na watendaji wa kata zote 18, wakuu wa idara na vitengo na baadhi ya watumishi ngazi ya Halmashauri.

Pamoja na watumishi hao Madiwani wote wa halmashuri ya Manispaa ya singida wameweza pia kushiriki ikizingatiwa wao ni wenyeviti wa Kamati za maendeleo za kata wakishirikiana na madiwani viti maalum.