WATUMISHI WATAKIWA KUTENDEA HAKI TAALUMA ZAO KWA UWAJIBIKAJI

Posted on: June 9th, 2022

Watumishi wa Serikali wametakiwa kutendea haki vyeti vyao vya taaluma kwa kuwajibika ipasavyo katika utumishi wao kwani nafasi walizonazo ni dhamana waliyopewa na Serikali.

Hayo yameelezwa na Mhe. Moses Ikaku, Diwani wa Kata ya Kisaki wakati akifungua kikao kazi cha watumishi wa Serikali katika kata ya Kisaki.  Kikao hiki ni mwendelezo wa vikao kazi vilivyoandaliwa na Ofisi ya Mkurugenzi wa Manispaa ya Singida katika kuboresha utendaji kazi wa Watumishi wake.

Mhe. Ikaku alisema, mtumishi kuwa na cheti cha stashahada ama shahada hakitamsaidia kitu bila kuweka bidii zake mwenyewe katika kazi kwa kuwa mbunifu na kuongeza kuwa elimu mliyopata iwasaidie kuonesha tofauti kati ya watumishi na jamii ambayo haikubahatika kufikia elimu waliyonayowatumishi na kwamba  kwa elimu waliyopata wanaweza kubaini fursa zaidi za kuiletea maendeleo Jamii inayowategemea.

“lengo la mifano yangu ni kuwawezesha kujitambua na kujitofautisha na wanajamii ambao hawana elimu kama yenu kwani nyie mmeongezewa jicho la tatu la kuona fursa za maendeleo” alisema Ikaku.

Amewaasa watumishi na hasa walimu kujitafakari kwa kuangalia hadhi za vyeti vyao na utendaji kazi (status) endapo vinalingana na matokeo ya ufundishaji katika ufaulu wa wananfunzi (performance).

Naye Kaimu Mkurugenzi wa Manispaa ya Singida Ndg. Kulanga Matia Kanyanga alisema ni wajibu wa watumishi kumsaidi Mhe. Rais wa Jamhuri ya Muungano wa Tanzania Mama Samia Suluhu Hassan kuleta maendeleo na kutoa huduma bora kwa wananchi.

Amesema Mhe. Rais amewajali sana watumishi kwa kuboresha mishahara na kulipa madeni ya mapunjo ya mishahara hivyo ni wajibu wao sasa kuamka na kujituma kufanyakazi kwa bidi ili kuwa na matokeo chanya.

 Aidha amewataka watumishi katika ngazi ya kata kushirikiana katika kutekeleza majukumbu yao na kumpongeza Kaimu Mtendaji wa Kata ya Kisaki Ndg. John