WAZIRI UMMY ATEMBELEA MIRADI YA MAENDELEO MANISPAA YA SINGIDA

Posted on: December 21st, 2021

Waziri Ofisi ya Rais Tawala za Mikoa na Serikali za Mitaa, Ummy Mwalimu, amepongeza kazi nzuri ya ujenzi wa vyumba vya madarasa kwa fedha za Maendeleo za UVIKO- 19 katika Halmashauri ya Manispaa ya Singida katika ziara yake ambapo alitembelea  miradi hiyo pamoja na miradi mwingine ya Maendeleo.

Waziri Ummy aliyeambatana na Wakurugenzi wa Afya, Elimu na Sera kutoka TAMISEMI ametembelea shule ya sekondari Mandewa kuona Mradi wa ujenzi wa vyumba 06 vya madarasa uliotekelezwa kwa gharama ya Tshs. 120,000,000/-.

Alisema kazi iliyofanyika ni nzuri na kwamba ni matokeo ya usimamizi shirikishi ambao umeonesha thamani halisi ya fedha.

Shule ya sekondari mandewa ni miongoni mwa shule 15 za sekondari katika Halmashauri ya Manispaa ya Singida zilizopatiwa fedha kwa ajili ya ujenzi wa vyumba vya madara. Shule hii inatarajiwa kupokea wanafunzi 498 wa kidato cha kwanza Mwaka 2022

Aidha Mhe. Ummy amelipokea ombi la kuifanya shule ya Sekondari Mandewa kuwa ya Kidato cha 5&6 kwa kuwa Halmashauri ya Manispaa ya Singida haina shule ya sekondari yenye vidato hivo.

Jumla ya vyumba vya madarasa 34 vya shule za sekondari na vyumba 8 vya shule shikizi vimejengwa kwa fedha za Maendeleo za UVIKO - 19