WIZARA YA FEDHA YATOA ELIMU YA FEDHA KWA WANANCHI WA MANISPAA YA SINGIDA

Posted on: May 24th, 2024

KATIKA kuhakikisha wananchi wanakuwa na maendeleo bora hasa kiuchumi, Wizara ya Fedha imetoa elimu ya fedha kwa wananchi wa Halmashauri ya Manispaa ya Singida.
Wizara ya Fedha kwa sasa inatekeleza mpango wake wa miaka mitano wakutoa elimu ya fedha kwa umma na malengo ni kuona wananchi wanapata uelewe wa matumizi bora ya huduma za fedha lengo likiwa ni kujiendeleza kiuchumi.

Mafunzo hayo yametolewa leo, Mei 24, 2024, katika Ukumbi wa Chuo cha Maendeleo ya Wananchi, Manispaa ya Singida na mafunzo hayo yalihudhuriwa na makundi tofauti ya wananchi wajarisiamali, wanavikundi, vijana na wananchi wengine.
Salim Kimaro ambaye Afisa Usimamizi Fedha kutoka Wizara ya Afya alitoa mafunzo ya elimu kwa wananchi wa Manispaa ya Singida.

Kimaro alisema mpango wa Wizara ya Fedha katika utoaji wa elimu ni kuwafikia wananchi wa hali zote ilikuhakikisha wanafanikiwa kujikwamua kiuchumi.

Utoaji huu wa elimu ya fedha umetokana na uwepo wa changamoto nyingi za wananchi kama kuingia kwenye mikopo bila uelewe wengi wamekuwa hawajui ni wapi waweze kuwekeza fedha zao au watatumiaje fedha zao mara baada ya kustaafu.

“Changamoto nyingi, wananchi hawana uelewa wa kutosha kuhusu masuala ya fedha na hivyo kusababisha kupata changamoto nyingi ikiwemo kuomba mikopo kupitia taasisi zisizo rasmi ambazo wanaposhindwa kulipa mikopo husika taasisi hizo hutaifisha mali zao na wengi hawajui namna ya kutumia fedha zao pindi wanapostafuu au kama wakulima wanapouza mazao yao wanashindwa namna ya kuhifadhi fedha hizo’’.

Kimario amesema hilo ndiyo lengo kubwa la utoaji wa elimu ya fedha kwa jamii kuona kuna kuwa na jamii salama ambayo ina uwezo wa kutumia fedha na kujikwamua kiuchumi na kufikia malengo.