Ziara ya kamati ya siasa ya Mkoa - Singida

Posted on: August 19th, 2021

KAMATI YA SIASA YA MKOA SINGIDA YAFANYA ZIARA KATIKA MIRADI MBALIMBALI KATIKA HALMASHAURI YA MANISPAA YA SINGIDA

Mwenyekiti wa CCM Mkoa wa Singida Ndg. Juma Kilimba pamoja na wajumbe wa kamati ya Siasa ya Mkoa jana imefanya ziara katika Halmashauri ya Manispaa ya Singida ili kujionea utekelezaji wa Ilani ya ya chama cha mapinduzi kupitia miradi mbalimbali inayotekelezwa.

Kamati ya Siasa Mkoa Pamoja na timu ya sekretarieti ya Mkoa ikiongozwa na Katibu Tawala Mkoa wa Singida walitembelea Miradi mbalimbali ikiwa ni Pamoja na miradi ya Afya, Maji, na Elimu.

Miradi iliyotembelewa ni Jengo la mama na Mtoto zahanati ya Mwankoko ambalo liko katika hatua ya Ukamilishaji, Ukamilishaji wa vyumba vya maabara Shule ya sekondari Mtipa, Ujenzi wa vyumba 03 vya madarasa na matundu 07 ya vyoo shule ya Msingi Unyambwa, Uboreshaji wa huduma za maji kata ya Mungumaji, Ujenzi wa vyumba 02 vya madarasa shule ya sekondari Mwenge na Ukarabati wa daraja na barabara ya Majengo- Unyamikumbi.

Mradi wa jengo la mama na Mtoto katika Zahanati ya Mwankoko ukiwa katika Hatua za Ukamilishaji. Jengo hili linakamilishwa kwa nguvu za wananchi kwa kazi ya upauzi, serikali kuu imechangia kiasi cha Tshs. 61,000,000/- Fedha za Mfuko wa Jimbo kiasi cha Tshs. 2,000,000/-, Harambee katika maadhimisho ya siku ya Wanawake Duniani Tshs. 1,000,000/- na wadau mbalimbali waliochangia vifaa kama saruji mifuko 40, mbao 114 na misumari ya bati kilo 70 na kufanya jumla ya mapato yote kuwa 64,000,000. Kiasi kitatakachotumika hadi kukamilika kwa jengo ni Tshs. 39,143,000. Aidha kiasi kilichobaki  Tshs. 24, 857,000/- kimeombwa kuanzisha ujenzi wa nyumba ya mganga

Huduma ya Maji safi na Salama ni moja ya vipaumbele katika Halmashauri ya Manispaa ya Singida. Pichani ni Kisima cha Maji katika Kata ya Mungumaji kilichojengwa na Mamlaka ya Maji Safi na Salama ( SUASA)

Katika kuondoa kadhia ya usafiri kutokana na ubovu wa Barabara TARURA imeweza kujenga daraja na kukarabati barabara  ya Majengo – Unaymikumbi yenye urefu wa Km. kwa gharama ya Tshs. 159,000,000/- katika Manispaa ya Singida

Mwenyekiti wa Kamati ya Siasa Mkoa Ndg. Juma Kilimba ( Kulia), Mstahiki Meya wa Halmashauri ya Manispaa ya Singida Mhe. Yagi Kiaratu ( Kushoto) na wajumbe wengine wakikagua miundombinu ya maabara  Shule ya Sekondari Mtipa.

Ukamilishaji wa vyumba 02 vya maabara katika Shule ya Sekondari Mtipa umegharimu kiasi cha Tshs. 30,000,000/- fedha hizo zimetolewa na Serikali kuu.

Picha ikionesha mwonekano wan je wa jengo la Maabara

Shule ya sekondari Mwenge ni miongoni mwa shule Kongwe hapa nchiniambazo Serikali imeendelea kuboresha miundombinu yake hasa vyumva vya madarasa. Kiasi cha Tshs. 40,000,000/- kilipokelewa kwa ajili ya kutekeleza Mradi wa ujenzi wa vyumba 02 vya madarasa katika jitihada za kupunguza msongamano wa wanafunzi shuleni hapo.