ZIARA YA MSTAHIKI MEYA WA MANISPAA YA SINGIDA KUKAGUA MIRADI YA MAENDELEO KUPITIA FEDHA ZA MPANGO WA MAENDELEO KWA USTAWI WA TAIFA NA MAPAMBANO DHIDI YA UVIKO – 19

Posted on: November 30th, 2021

Mhe. Mstahiki Meya wa Manispaa ya Singida Bi. Yagi Kiaratu amekagua miradi mbalimbali ambayo inaendelea kujengwa Kupitia fedha za uviko-19, pamoja na ukaguzi huo Mstahiki Meya amezungumza na wajumbe wa kamati ya Maendeleo ya kata ( WDC ) kuwataka washirikiane na walimu wakuu na kamati za ujenzi mashuleni kuhakikisha miradi yote inakamilika kwa wakati na inakidhi viwango vilivyowekwa. Mstahiki Meya aliendelea kwa kutoa elimu juu ya uuandaaji wa mpango na bajeti akiwasisitiza wajumbe kuwahusisha wananchi katika kuibua vipaumbele vya maendeleo kuanzia ngazi ya mitaa/Vijiji, kata hadi kufika ngazi ya juu. Pia Mhe. Mstahiki Meya aliwaomba wajumbe waendelee kuwahamasisha wananchi kupata chanjo ya uviko -19 kwani chanjo hiyo ni salama lakini itasaidia sana hasa wakati huu wa wimbi la nne la uviko-19 ambalo halionyeshi dalili tulizozizoea na linaua kwa haraka zaidi.  Pamoja na hayo aliwataka wajumbe waendelee kuwahamasisha wananchi wajiunge na bima ya afya iliyoboreshwa (iCHF) ambayo itawarahisishia kupata matibabu kwa gharama nafuu wakati wowote watakapokuwa wanaumwa.