Karibu Singida Manispaa

Halmashauri ya Manispaa ya Singida ni mojawapo kati ya Halmashauri zilizopo katika mkoa wa Singida. Halmashauri hii inatoa huduma mbalimbali kwa wakazi wake zikiwemo Elimu, Afya, Usafi wa mji, Biashara, Barabara, Sheria na Utawala Bora, masuala ya Ardhi na Mipango miji, ukusanyaji wa mapato, huduma za Mifugo na kilimo, Ushirika na Maendeleo ya Jamii, huduma za maji (Visima) na nyinginezo.

Pamoja na utoaji wa huduma hizi Halmashauri ya Manispaa ya Singida inayo Dira na Dhamira kuu: “Kuwa Manispaa bora  katika utoaji wa huduma za kijamii na kiuchumi nchini Tanzania ifikapo mwaka 2025” , “Kuwawezesha wakazi wa Halmashauri ya Manispaa ya Singida katika kukuza maendeleo endelevu ya kiuchumi na kijamii kupitia ushiriki, demokrasia na utawala bora”