MRADI WA SAUTI NA NAFASI KUIBEBA MANISPAA YA SINGIDA

Posted on: February 23rd, 2024

Mkuu wa Wilaya ya Ikungi, Thomas Apson amezindua rasmi mradi wa SAUTI na NAFASI ambao unasimamiwa na Shirika lisilo la kiserikali la Helvetas Swiss Inter cooperation linaloongozwa na Mkurugenzi Nchi (CD), Felix Banchman ambao lengo lake ni ushirikishwa wa jamii katika levo zote za miradi ambao utakuwa ni msaada mkubwa katika kata 18 za Halmashuri ya Manispaa ya Singida.

Helvetas wamezindua mradi huo ambao umelenga kuwashirikisha wananchi hasa wanawake, vijana walemavu kuona miradi inafanikiwa kwani makundi hayo ni kama yamesahaulika na katika kufanya kazi kwa kushirikiana na Halmashauri ya Manispaa ya Singida kwenye kata zake 18.

Mradi huo wa SAUTI na NAFASI umezinduliwa katika Ukumbi wa Hoteli ya Regency leo Februari 23,2024 katika Halmashuri ya Manispaa Singida.

Helvetas katika mradi wao huo umelenga kuwashirikisha serikali pamoja na wananchi kwa ujumla ilikuleta maendeleo na kufahamu miradi ambayo ipo katika jamii yao.

Mradi huu utaweza kuijengea uwezo Halmashuri ya Manispaa ya Singida na watoa huduma wengine kupanga na kutoa huduma bora ambazo zinazingatia ujumuishwaji wa makundi mbalimbali wakiwemo wanawake, vijana na watu wenye ulemavu kuanzia ngazi ya kata.

Katika mradi kuna mambo matatu yanategemewa kwanza kuhakikisha Manispaa ya Singida inafurahia mipango na bajeti yenye ufanisi, pili mradi utajumaisha wananchi kwa kuwezesha huduma ya uwajibikaji na kurahisisha umilikishwaji wa ardhi.

Pia Manispaa ya Singida itakuwa imara na endelevu yenye mazingira nadhifu yanayokabiliana na tabia nchi kwa kuona Singida inakuwa ya kijani na safi kimazingira.

Helvetas malengo yao ni kuleta maendeleo shirikishi kwa jamii na kushirikiana na Serikali ya Tanzania.