BARAZA LA MADIWANI MANISPAA YA SINGIDA LAFANYA MAPITIO YA BAJETI YA MWAKA 2021/2022 KWA KIPINDI CHA MIEZI SITA

Posted on: January 26th, 2022

BARAZA LA MADIWANI HALMASHAURI YA SINGIDA LAFANYA MAPITIO YA BAJETI YA MWAKA 2021/2022 KWA KIPINDI CHA MIEZI 6

Halmashauri ya Manispaa ya Singida katika kipindi cha miezi sita iliyopita imeweza kutumika kiasi cha Tshs. 1,518,664,777.54 sawa na asilimia 28.5 ya fedha za miradi ya maendeleo kati ya Tshs. 2,038875016.53 zilizokusanya na zilizotolewa na serikali kuu ambazo ni sawa na asilimia 74 ya fedha zilizopokelewa katika kipindi cha Julai- Desemba 2021

Hayo yaliezwa na Mchumi wa Manispaa ya Singida Ndg. Deus Luziga katika kikao cha Baraza la madiwani cha Kupitia utekelezaji wa bajeti 2021 kwa kipindi cha miezi 6 kabla ya kujadili mapendekezo ya bajeti ya Mwaka ujao 2022/2023.

Mchumi wa Manispaa alifafanua kuwa kwa Mwaka 2021/2022 Halmashauri ya Manispaa ya Singida iliidhinishiwa kiasi cha fedha Tshs. 7,152,886,722.00 za miradi ya maendeleo  ikiwa 5,625,032,189 ni kutoka Serikali kuu na 1,527,854,533.00 ni kutoka makusanyo ya ndani

Aidha mtsahiki Meya wa Manispaa ya Singida Mhe. Yagi Kiaratu amewataka madiwani na wataalamu kusimamia utekelezaji wa shughuli mbalimbali za Halmashauri ya Manispaa hususani miradi ya Maendeleo kwa kuzingatia ubora na thamani halisi ya fedha ili kufikia malengo kusudiwa.

Naye Mkurugenzi wa Manispaa ya Singida Ndg. Zefrin Lubuva amehimiza ushirikiano kwa madiwani na wataalam ili kuiwezesha Halmashauri ya Manispaa kufikia malengo yake katika kuleta Maendeleo.

“Ninaomba tuendeee kushirikiana katika Nyanja mbalimbali hasa katika suala ziama la ukusanyaji mapato na usimamizi katika miradi ya Maendeleo ili tuweze kufikia malengo tulio kusudiwa” alisisitiza Mkurugenzi.

Mstahiki Meya wa Manispaa ya Singida Yagi Kiaratu akifungua kikao cha Baraza la Madiwani kujadili utekelezaji wa bajeti ya mwaka 2021/2022 kwa kipindi cha miezi 6 ( Julai- Desemba 2022). Kilia kwake ni  Naibu Meya Hassan Mkata na Kushoto ni Mkurugenzi wa Manispaa ya Singida  Ndg. Zefrin Lubuva.