DC SINGIDA APIGA MARUFUKU KUBANDIKA MABANGO YA WAGANGA WA TIBA ASILIA

Posted on: August 17th, 2017

MKUU wa Wilaya ya Singida,Eliasi Tarimo amepiga marufuku matangazo yote yanayotolewa na kubandikwa kwenye mbao za matangazo na waganga wa tiba asilia na kuuagiza uongozi wa Manispaa ya Singida kuanza kuyaondoa mabango hayo mara moja.Akitoa agizo hilo kwenye mkutano wa kawaida wa Baraza la Madiwani wa Manispaa hiyo,Mkuu wa wilaya huyo alifafanuaa kwamba kumekuwepo mazoea kwa waganga wa tiba mbadala kujitangaza kuwa wametoka katika mikoa ya Tanga,Sumbawanga na kwenye maeneo yanayojulikana kuwa ni maarufu kwa unyeti wake,kuwa wanatoa tiba za magonjwa mbali mbali kwa kuyatumia mabango ya matangazo.“Nimepiga marufuku mbao za matangazo za waganga wa kienyeji nendeni mkayang’oe Manispaa,nendeni mkang’oe mabango yote yanayotangaza biashara ya uganga wa kienyeji kwa sababu hawa wengi wao ni matapeli”alisisitiza Mkuu wa wilaya huyo.Hata hivyo Tarimo alitumia fursa hiyo kuwaasa wakazi wa Manispaa ya Singida kuachana na tabia hizo za kupenda kutumia matibabu ya jadi kutokana na kupitwa na wakati na kwamba katika karne ya 21 ni aibu kwa wananchi kuamini mambo ya uchawi.Kwa mujibu wa Tarimo ambaye pia ni mwenyekiti wa kamati ya ulinzzi na usalama wa wilaya ya Singida imani hizo bado zipo kwa wananchi wengi wa mjini Singida,na waganga hao wapo hapa mjini na wanajitangaza na hivyo kuanzia sasa naagiza kuwa mabango hayo yavunjwevunjwe.Mkuu wa wilaya huyo hata hivyo alisisitiza kwamba idadi kubwa ya waganga hao hawajasajiliwa popote pale kutokana na kuingia na kuanza kujitangaza huku wakiendelea kutoa huduma hizo ambazzo hata hivyo alionyesha kutoziamini huduma zinazotolewa na waganga hao wa mjini Singida.   Aidha Mwenyekiti huyo wa kamati ya ulinzi na usalama aliwaomba wakazi wa Mji huo kutoa ushirikiano wa kuwabaini wahalifu wote wanaojihusisha kufanya biashara ya ngono ambao zoezi la kuwakamata baadhi ya wasichana wanaojihusisha na biashara hiyo kutoka katika sehemu mbali mbali pamoja na biashara ya madawa ya kulevya.Katika hatua nyingine baadhi ya madiwani wa Halmashauri ya Manispaa ya Singida wameulalamikia uongozi wa Manispaa hiyo kwa kushindwa kutenga asilimia ishirini ya mapato yake kwa ajili ya kupeleka katika kata zao pamoja na kuelekeza shutuma zao kwa afisa mazingira wa Manispaa hiyo kwa kushindwa kusimamia manyasi yaliyopandwa kwenye mzunguko wa barabara iendeyo ofisi ya Mkuu wa Mkoa na kuchangia kukauka,