eGA WATOA MAFUNZO KWA WAKUU WA IDARA/VITENGO WA MANISPAA YA SINGIDA

Posted on: March 21st, 2025

Mamlaka ya serikali mtandao (eGA) ikishirikiana na Halmashauri ya Manispaa ya Singida imetoa elimu ya matumizi sahihi ya mitandao na mifumo kwa wakuu wa divisheni na vitengo.

Mafunzo hayo yametolewa leo 21 Machi, 2025 na mkufunzi kutoka Mamlaka ya Serikali Mtandao Bi,Khadija Mzinza, ambaye amesema mafunzo hayo yanahusisha huduma mbalimbali zotolewazo na serikali mtandao pamoja na kujenga uelewa wa sharia ya mitandao ya mwaka 2019.

Amesema lengo la mafunzo hayo ni kuhakikisha wajumbe wa timu ya menejimenti wanapata uelewa wa kina juu ya matumizi sahihi ya huduma zitolewazo na serikali mtandao.

Mzinza amesema ni matarajio ya Serikai Mtandao kwamba, baada ya mafunzo hayo watumishi wa manispaa ya Singida wataweza kutumia mifumo mbalimbali katika kutekeleza majukumu yao ya kila siku ili kuweza kuhudumia wananchi.

Nae mwanasheria wa Mamlaka ya serikali Mtandao, Watson Kimbe pamoja na mambo mengine aliweza kuainisha vifungu mbalimbali vya sheria zinazotoa muongozo wa utoaji huduma lakini pia makossa mbalimbali ya kimtandao ambayo watumishi wa serikali yawapasa kuepuka.

Mkuu wa kitengo cha TEHAMA Manispaa ya Singida Fadhili Mshamu amesema mafunzo hayo yatakwenda kusaidia kupunguza au kuondoa kabisa matumizi yasihi sahihi ya mitandao na kurahisisha kazi ya utoaji huduma kwa wananchi.

Akizungumzia changamoto, Mshamu amesema mifumo haina changamoto ila watumiaji wa mifumo hiyo hufanya makossa kwa kutokujua, kutokana na uelewa mdogo matumizi ya mifumo.

Mafunzo hayo yamejumuisha Mifumo shirikishi ambayo ni pamoja na GMS, e-Office, e-mrejesho, e-vibali pamoja na e-signature pamoja na baadhi ya vifungu vya sharia ya mitandao yam waka 2019.